(නාලක සංජීව දහනායක)
 
දඹුල්ල ප්‍රදේශයේ සංචාරක හෝටලයක රැඳී සිටි සංචාරකයන් තිදෙනෙකු, එහි දුර්ගන්ධය ඉවසා ගත නොහැකිව පොලිසියට පැමිණිලි කිරීමේ සිද්ධිය සම්බන්ධයෙන් කඩිනම් පරීක්ෂණයක් පවත්වා වාර්තාවක් ලබාදෙන්නැයි කාර්මික අපනයන ආයෝජන ප්‍රවර්ධන සංචාරක හා ගුවන් සේවා අමාත්‍ය ප්‍රසන්න රණතුංග මහතා අද(26) සංචාරක සංවර්ධන අධිකාරියට උපදෙස් දී තිබේ.
 
මෙම සංචාරකයන් තිදෙනා නෙදර්ලන්තයේ සිට ලංකාවට පැමිණ, රුපියල් 60,000ක් ගෙවා මෙම හෝටලයේ නවාතැන් ගෙන සිට ඇත. හෝටලය දැඩි ලෙස අපිරිසිදු බව පවසමින් ඔවුන් පෙරේදා(24) දඹුල්ල මූලස්ථාන පොලිසියට පැමිණිලි කර තිබේ.

රටට අපකීර්තියක් අත්වන මෙවැනි සිදුවීම් ඉදිරියේදී සිදුනොවීමට අවශ්‍ය ක‍්‍රියාමාර්ග ගන්නා ලෙසටද අමාත්‍යවරයා සංචාරක සංවර්ධන අධිකාරියට උපදෙස් දී ඇත.