(කේ. බුද්ධික කුමාරසිරි)
 
පාදුක්ක නගරයේ වෙළඳසැල් කිහිපයකට රාති‍්‍ර කාලයේ ඇතුළු වී භාණ්ඩ සොරකමේ යෙදුණු පුද්ගලයින් දෙදෙනෙකු මත්කුඩු සමග අද (13) සැකපිට අත් අඩංගුවට ගත් බව පාදුක්ක පොලිසිය පවසයි. 
 
පාදුක්ක පොලිසියට අනුයුක්ත පොලිස් බුද්ධි නිලධාරියෙකු ලද තොරතුරක් මත සැකකටයුතු පුද්ගලයෙකුගෙන් ප‍්‍රශ්න කිරීමේදී මෙම සොරකම් පිළිබඳව අනාවරණය වූ බවත් එම තොරතුරු අනුව සොරකම්වලට සහයෝගය දැක් වු තවත් පුද්ගලයෙකු ද සැකපිට අත්අඩංගුවට ගත් බවද පොලිසිය කියයි.
 
මෙම සැකකරුවන්  පාදුක්ක නගරයේ පිහිටි ජංගම දුරකථන උපාංග අලෙවිසලකින් දුරකථන, රථ වාහන අලුත්වැඩියා මධ්‍යස්ථානයකින් රුපියල් 80,000ක් පමණ වටිනා වාහන බැටරි සහ නිවසකින් රුපියල් 20,000ක මුදලක් සොරාගෙන ඇත.
 
සැකකරුවන් සතුව තිබී හෙරොයින් මත් කුඩු මිලි ග‍්‍රෑම් 1200 ක්ද තිබූ බවද පොලිසිය පවසයි.
 
සැකකරුවෝ පාදුක්ක සහ මිරියගල්ල ප‍්‍රදේශයේ පදිංචි 22 හැවිරිදි පුද්ගලයෝ වෙති.
 
සැකකරුවන් හෝමාගම මහේස්ත්‍රාත් අධිකරණයට ඉදිරිපත් කිරීමට නියමිතය.