(ශාන්ත චන්ද්‍රසිරි)

තලවකැලේ - නුවරඑළිය මාර්ගයේ ලිඳුල , බෙයාවේල් ප්‍රදේශයේදී වාහන තුනක් ගැටී අද (26) සිදු වූ අනතුරකින් දෙදෙනෙකු බරපතල තුවාල ලබා රෝහල් ගත කර ඇතැයි ලිඳුල පොලිසිය පවසයි.

තුවාල ලැබූවන් ප්‍රතිකාර සඳහා ලිඳුල ප්‍රාදේශීය රෝහලට ඇතුළත් කර ඇති අතර අනතුරට පත් ජීප් රථයේ ගමන් කළ පානදුර රෝහලේ වෛද්‍යවරියක් හා ඇගේ වයස අවුරුදු 10 ක හා 15 ක ළමුන් දෙදෙනෙකු හා ත්‍රී රෝද රථයේ රියදුරා හා එහි ගමන් ගත් දෙදෙනෙකු මෙසේ තුවාල ලබා තිබේ.

ත්‍රී රෝද රථයේ රියදුරාගේ පාදයක් බිඳී ගොස් ඇති අතර ඔහු ඇතුළු අනෙකුත් පිරිස වැඩිදුර ප්‍රතිකාර සඳහා නුවරඑළිය මහ රෝහලට මාරු කර යැවූ බව රෝහල් ප්‍රකාශකයෙකු කීය.

තලවකැලේ සිට නුවරඑළියට වැලි පටවාගෙන ධාවනය වූ ටිපර් රථයක් හා නුවරඑළියේ  සිට පානදුරට යාමට පැමිණි ජීප් රථයක් මෙසේ ගැටී ඇති අතර මඩොල්සිම සිට හැටන් යාමට පැමිණි ත්‍රී රෝද රථයක් අනතුරට පත් ජීප් රථයේ පිටුපස ගැටී ඇති බව ලිඳුල පොලිසිය සඳහන් කළේය.