(ඩී.ජී.සුගතපාල)
 
පොකිරිස්සන් ඇල්ලීම සඳහා ඊයේ රාත්‍රියේ මුහුදු ගිය ධීවරයෙකුගේ මළ සිරුරක් අද(08) කොග්ගල සංචාරක හෝටලයක් පිටුපස තිබියදී සොයාගත් බව හබරාදුව පොලිසිය පවසයි.
 
මෙසේ මියගොස් ඇත්තේ හබරාදුව කොග්ගල පාලම අසල පදිංචි බාලගේ පේමරත්න නමැති 57හැවිරිදි අවිවාහක ධීවරයෙකු බවට හඳුනාගෙන ඇත.
 
මියගිය ධීවරයා ඊයේ තවත් අයෙකු සමග පොකිරිස්සන් ඇල්ලීම සඳහා මුහුදු ගොස් ඇති අතර ඔහු ගොඩට පැමිණියද,  අනෙක් පුද්ගලයා ඔහුගේ නිවසට ගොස් සොයා බැලීමේදී ඔහු නොසිටි බවත්, ඥාතියෙකු සමග පැමිණ පැමිණිල්ලක් සටහන් කර ඇති බවත් පොලිසිය පවසයි.
 
මියගිය අයගේ පශ්චාත් මරණ පරීක්ෂණය පැවැත්වීම සඳහා මළ සිරුර කරාපිටිය රෝහල වෙත යැවීමට නියමිතය.
 
හබරාදුව පොලිසිය වැඩිදුර පරික්ෂණ පවත්වයි.