(ප්‍රසන්න පත්මසිරි)

දින‍ දෙකක් තිස්සේ නොකඩවා ඇදහැලෙන ධාරානිපාත වර්ෂාව හේතුවෙන් මොනරාගල දිස්ත්‍රික්කයේ පවුල් 1150ක් අවතැන්ව සිටින බව දිස්ත්‍රික් ආපදා කළමනාකරණ මධ්‍යස්ථානයේ සහකාර අධ්‍යක්ෂක රවින්ද්‍ර කුමාර මහතා පැවසීය.

මොණරාගල දිස්ත්‍රික්කයේ දෙටගමුව,කිරිඉබ්බන්ආර,මිගහඅරාව,කිතුල්කටුව,හඹරළුව,අක්කර දෙක,මරගල,වෙහෙරගල,ඇතුලු ගංගා පිටාර ගලන බව ආපදා කළමණාකරණ මධ්‍යස්ථානය කියයි.
  
කතරගම දෙටගමුව වැව පිටාර ගැලීමෙන් අවතැන්ව සිටින පවුල් 432ක 1275 දෙනෙකු ප්‍රදේශයේ ආගමික ස්ථාන කිහිපයක රඳවා ඇතැයිද ඒ මහතා කියාසිටියේය. දිස්ත්‍රික්කයේ සියලුම ප්‍රාදේශීය ලේකම් කොට්ඨාසවල ඇළ දොළ ගංගා හා වැව් පිටාර ගැලීම නිසා පවුල් 650ක් පමණ අවතැන්ව සිටින බවත් ඔවුනට අවශ්‍ය සියලුම පහසුකම් සැපයීමට කටයුතු කර තිබෙන බවත් අධ්‍යක්ෂක රවින්ද්‍ර කුමාර මහතා පැවසීය.

දිස්ත්‍රික්කයේ ප්‍රදේශ රැසක් නාය යාම හේතුවෙන් මාර්ග අවහිර වී ඇතැයිද අධ්‍යක්ෂකවරයා කීය.

(ඡායාරූප - කේෂර ගුණතිලක )