(මහේෂ් කිර්තිරත්න)

අධික වර්ෂාව සහිත කාලගුණික තත්වය හේතුවෙන් මාතලේ දිස්ත්‍රික්කයේ ප්‍රාදේශිය ලේකම් කොට්ඨාස 11 ක ග්‍රාම නිලධාරි වසම් 136 අවදානමට ලක්ව ඇති බව මාතලේ දිස්ත්‍රික් ආපදා කළමනාකරණ මධ්‍යස්ථානයේ සහකාර අධ්‍යක්ෂ චමින්ද අමරවිර මහතා අද (18) පැවසීය.

ඒ මහතා මේ බව සඳහන් කළේ මාතලේ අතිරේක දිසාපතිවරුන් වන ඉෂාන් විජේතිලක සහ නිශාන්ත කරුණාතිලක යන මහත්වරුන්ගේ ප්‍රධානත්වයෙන් මාතලේ මහත්මා ගාන්ධි අනුස්මරණ ශාලවේදී පැවති රැස්වීමකදීය.

එහිදි වැඩිදුරටත් අදහස් දැක්වු චමින්ද අමරවිර මහතා මෙසේද පැවසීය.

දිස්ත්‍රික්කයේ ගල් පෙරලිම් ,නාය යෑම් ,ගිලා බැසිම් සිදුවන ග්‍රාම නිලධාරි වසම් 94ක් සහ ගංවතුර අවදානම ඇති ග්‍රාම නිලධාරි වසම් 42 ක් හදුනාගෙන ඇති බවත් මේ දිනවල පවතින වැසි තත්වය හේතුවෙන් මාතලේ උකුවෙල ප්‍රාදේශිය ලේකම් කොට්ඨාශයේ නාය යැම් ගල් පෙරලිම් අවදානමක් ඇති බවට ජාතික ගොඩනැගිලි පර්යේෂණ ආයතනය අනතුරු ඇගවිම් නිකුත් කර ඇති බවත් මීට අමතරව පසුගිය කාලයේ නාය යැම් ගල් පෙරලිම් ගිලා බැසිම් සිදුවූ ස්ථාන දිස්ත්‍රික්කයේ මෙසේ අවදානය යොමු කරන ලෙස දැනුවත් කර ඇති බවත්ය.

දිස්ත්‍රික් ආපදා කළමණාකරණ කමිටුව සහ ප්‍රාදේශීය සහ ග්‍රාමීය ආපදා කළමනාකරණ කමිටු නැවත සක්‍රීය කරන ලෙස දැනුවත් කර ඇති බවත් කොරොනා තත්වය මධ්‍යයේ වුදව මෙය ක්‍රියාත්මක කළ යුතු බවත් ආපදා තත්වයන් දෙකම ජය ගත යුතුව ඇති බවද මෙහිදි අමරවිර මහතා පැවසීය.