(සෙනරත් බණ්ඩාර සහ චමිල් රූපසිංහ)
 
සිය අත්තම්මාගේ රුපියල් හැත්තෑඅට දහසක් වටිනා  ස්වර්ණාභරණ සහ රුපියල් විසිපන්දහසක් පමණ වටිනා ජංගම දුරකතනයක් සොරාගත්  මුණුබුරකු පේරාදෙණිය පොලීසිය  අත්අඩංගුවට ගෙන තිබේ.

මෙම සොරකම් කිරීම සිදු වු දිනයේදී පේරාදෙණිය, කිරිබත්කුඹූර, රන්වන පිහිටි අත්තම්මාගේ නිවසට ගොස් ඇති සැකකරු නිවසේ  විදුලිය විසන්දි කර රන් බඩු සහ දුරකතනය රැගෙන පළාගොස් ඇත.                                                
අත්තම්මා විදේශගතව සිට පැමිණි අවුරුද  67 ක්  කාන්තාක් වන අතර ඇය ගමනක් ගොස්  නිවසට පැමිණ රාත්‍රියේ තම  ස්වර්ණාභරණ ගලවන අකාරය බලා සිටි මුණූපුරා භාණ්ඩ සොරාගනිද්දී  අත්තම්මා හොල්මනක් යැයි කෑ ගසන විට ඔහු නිවසින් පැන ගොස්  ඇති බවට පොලීසිය හමුවේ ලබාදී ඇති ප්‍රකාශ වල සටහන් වී තිබේ.

පැමිණිල්ලෙන් අනතුරුව මුණුබුරාගේ  සැක කටයුතු හැසීරිම පිළිබඳව සැක සිතු  පොලීසිය විසින් ඔහු පිළිබඳව සොයා බැලීමේදී  නිට්ටඹුව ප්‍රදේශයේ සිටින සැකකරුගේ පෙම්වතියට ස්වර්ණාභරණ තෑගි කරඇති බවත් පසුව පෙම්වතියගෙන් එය ඉල්ලා සැකකරු විසින් නිට්ටබුව බැංකුවට උගස් කර තිබියදී පොලිසිය මගින් තිබේ.

සැකකරු  අත්අඩංගුවට ගත් අවස්ථාවේදී සොරකම් කරන ලද ජංගම දුරකථනය, රන් මාලයක්,පෙන්ඩන්ට් එකක් හා මුද්දක්  සොයාගෙන ඇති අතර සැකකකරු  මත්කුඩුවලට ඇබ්බැහි වූ වයස අවුරුදු 32 ක්  පමණ වන පුද්ගලයෙකි. ඔහු අද (16)  අධිකරණයට ඉදිරිපත් කිරීමට නියමිතය.