(කේ.බුද්ධික කුමාරසිරි )

හයිලෙවල් මාර්ගයේ හෝමාගම ගලවිලවත්ත මංසන්ධියේදී මාර්ගය හරහා මාරුවෙමින් සිටි පුද්ගලයෙකු කොළඹ සිට බදුල්ල බලා ධාවනය වූ බස් පෞද්ගලික රථයක  ගැටීමෙන් අද  (28)   සිදු වූ අනතුරින් අනතුරට ලක් වූ පදිකයා බරපතල තුවාල ලබා හෝමාගම මූලික රෝහලට ඇතුළත් කිරීමෙන් පසු  මිය ගොස් ඇතැයි හෝමාගම පොලිසිය පවසයි.

මිය ගිය පුද්ගලයා තම රෝගී තත්වයකට ප‍්‍රතිකාර ලබා ගැනිම සදහා හෝමාගම මූලික රෝහලේ සායනයකට සහභාගී වීමට යමින් සිටි අතරතුර මෙලෙස අනතුරට ලක්ව ඇති බවත් අනතුර සිදු කළ බස් රථය අධික වේගයෙන් ධාවනය කිරීම නිසාවෙන් එම අනතුර වළක්වා ගැනිමට නොහැකි වී ඇති බවද සිදු කළ මූලික පරීක්ෂණයේදී අනාවරණය වූ බවද පොලිසිය පවසයි.

මෙලෙස මිය ගොස් ඇත්තේ හෝමාගම, දේවාල පාර කටුවාන, ලිපිනයෙහි පදිංචිව සිටි රාජපක්ෂ මුදලිගේ දොන් කරුණාරත්න නමැති 73 හැවිරිදි එක්දරු පියෙකි.