(බිමල් ශ්‍යාමන් ජයසිංහ)

බුලත්සිංහල පරගොඩ කිතුලගොඩ ප්‍රදේශයේ නිවසකදී අද (09) තියුණු ආයුධයකින් ගෙල කපා පුද්ගලයෙකු ඝාතනය කර ඇතැයි බුලත්සිංහල පොලිසිය කියයි.

මෙලෙස ඝාතනයට ලක්වී ඇත්තේ කෝට්ටේගොඩ විද්‍යාලයේ ලාල් හෙවත් කුඩු ලාල් නැමැති 36 හැවිරිදි පුද්ගලයෙකු බව පොලිසිය කියයි.

ඝාතනයට ලක් වූ පුද්ගලයා ගෙල පෙදෙසින් ලේ වැගිරෙණ තුවාල සහිතව ඇද ඇතිරිල්ලක් ඒ මත ඔතාගෙන නිවසේ සිට මීටර් 200 ක් පමණ දුරින් පිහිටි ප්‍රධාන මාර්ගයට පැමිණ ඇතැයි පොලිසිය කියයි.

පසුව මෙම පුද්ගලයා මාර්ගයේ ගමන් ගත් ත්‍රී රෝද රථයක් නවතා බුලත්සිංහල රෝහලට ගොස් ඇති අතර සුලු වේලාවකට පසු මොහු මියගොස් ඇතැයි පොලිසිය කියයි.

මෙම පුද්ගලයා ඔහුගේ වැඩිමහල් සහෝදරයා සමඟ සහ මත්ද්‍රව්‍ය සම්බන්ධයෙන් තවත් පුද්ගලයෙකු සමඟ ආරවුලක් ඇති කරගෙන ඇතැයි පොලිස් නිලධාරියෙකු පැවැසීය.

මත්ද්‍රව්‍ය සම්බන්ධයෙන් ආරවුලක් ඇතිකරගත් පුද්ගලයා සමඟ මොහු අවමංගල්‍ය නිවසකට ගොස් නිවසට පැමිණෙමින් සිටියදී මෙම සිද්ධිය සිදුවී ඇතැයි පොලිසිය කියයි.