(දසුන් රාජපක්ෂ)

නීතිවිරෝධීව බීඩිකොළ කිලෝ 47ක් සන්තකයේ තබාගෙන සිටි යාපනය ගුරුනගර් ප්‍රදේශයේ පදිංචිකරුවෙකු පොලිස් විශේෂ කාර්ය බලකාය අද (25) අත්අඩංගුවට ගෙන තිබේ.

යාපනය නගරයේ සැකකටයුතු ලෙස සැරිසැරූ පුද්ගලයකුගෙන් ප්‍රශ්න කිරීමේදී අනාවරණය කරගත් තොරතුරක් මත මෙම සැකකරු අත්අඩංගුවට ගෙන ඇත.
 
අත්අඩංගුවට ගත් සැකකරුගෙන් ප්‍රශ්න කිරීමේදී  ගුරුනගර් ප්‍රදේශයේ ඔහුට අයත් නිවසක සූක්ෂම ලෙස අසුරා තිබූ මෙම බීඩිකොළ තොගය සොයාගැනීමට හැකිවී තිබේ.

බීඩිකොළ සොයා කළ මෙහෙයුමට නාවික හමුදා නිලධාරීන්ගේ ද සහය ලබාගෙන ඇත.
 
 
වැඩිදුර විමර්ශන සඳහා සැකකරු යාපනය පොලිසියට බාරදීමට නියමිතය.