(අමදෝරු අමරජීව)
 
සිය පෙම්වතිය සමඟ පෙම් සබඳතාවක්  ගොඩනගාගැනීමට උත්සහ කළ තම මිතුරාගේ ගෙල කපා ඝාතනය කළ පුද්ගලයෙකු අද  (16)  පියා සමඟ ත්‍රිකුණාමලය වරාය පොලිසියට පැමිණ භාර වූ බව  පොලිසිය කියයි.
 
සැකකරු මිතුරා රවටා යතුරු පැදියක නංවාගෙන ගොස් නාවික කඳවුර ආසන්නයේදී ඝාතනය කළ බවත් වරාය පොලිසිය කියයි.
 
 එම අවස්ථාවේ යතුරු පැදිය පදවා ඇත්තේ සැකකරුගේ මිතුරා බවද යතුරු පැදිය පෙරළී ගොස් ඇති බවත් තුවාල ලැබූ තැනැත්තා අසල ඇති නාවික කඳවුරට දිව ගිය බවත් ඝාතකයා යතුරු පැදියෙන්  පලාගොස් සිය දෙමව්පියන්ට මේ බව සැලකර ඇති බවත් පසුව සැකකරු ඔහුගේ පියා විසින් වරාය පොලිසියට රැගෙනවිත් භාර දී ඇති බවත්  පොලිසිය කියයි.
 
මියගොස් ඇත්තේ ත්‍රිකුණාමය උසාවිය පාරේ පදිංචි තංගතුරෙයි දනුෂ්ටන් නැමැති 20 හැවිරිදි තරුණයෙකි.  
 
වරාය පොලිසියේ රාජකාරියේ නිරත භට පිරිස් තුවාලකරුව ත්‍රිකුණාමලය රෝහලට රැගෙන ගොස් ඇතුළත් කරනවිටත් ඔහු මිය ගොස් තිබුණි.
 
සිද්ධිය සම්බන්ධයෙන් වරාය පොලිසිය වැඩිදුර පරීක්ෂණ මෙහෙයවයි.