මොහොමඩ් ආසික්
 
පූජාපිටිය පොලිස් බල ප්‍රදේශයේ ඓතිහාසික  පුරාණ රජ මහා විහාරයකට අයත්  ජල මෝටරය මහ රෑ ගලවාගෙන යමින් සිටි සිසුන් තිදෙනෙකු පූජාපිටිය පොලීසිය අද (18) අත්අඩංගුවට ගනු ලැබ තිබේ.
 
රුපියල් 35,000 ක් පමණ වටිනා මෙම වතුර මෝටරය සොරකම්  කර ඇති සිසුන් අතර මහනුවර ප්‍රදේශයේ ප්‍රධාන පෙළේ විදුහලක උසස් පෙළ ඉගෙනුම ලබන සිසුන්  දෙදෙනෙකු සහ පාසල් අධ්‍යාපනය අවසන් කළ සිසුවෙකුද  සම්බන්ධ වී ඇති බව  පොලිස් පරික්ෂණවලින් හෙළි වී තිබේ.
 
අත් අඩංගවට ගත් සිසුන් තිදෙනා අද  (18) වැනිදා මහනුවර මහේස්ත්‍රාත් අධිකරණය  වෙත ඉදිරිපත් කිරිමට නියමිතව තිබිණ.