( රංජිත් රාජපක්ෂ )     

                 
ගිනිගත්හේන පොලිස් වසමට අයත් පිටවල මිල්ලගහමුල රක්ෂිතයේ කෝපි කැඩිමට ගිය කාන්තාවන් දෙදෙනෙකු  අතුරුදන්ව සිටියදි ගම්වාසින් විසින් අද (21) උදෑසන කළ මෙහෙයමකදි එම කාන්තාවන් දෙදෙනා රක්ෂිතයේ ගලක් මත සිටියදි සොයාගෙන ගිනිගත්හේන රෝහලට ඇතුළු කිරිමෙන් පසු ඉන් එක් කාන්තාවක් මිය ගොස් ඇති බව ගිනිගත්හේන පොලිසිය  පවසයි.

මෙසේ මිය ගොස් ඇත්තේ ගිනිගත්හේන පිටවල මිල්ලගහමුල ප්‍රදේශයේ පදිංචි කුමාරමැණිකේ නැමති 55 හැවිරිදි තිදරු මවකි.

මෙම කාන්තාවන් දෙදෙනා නිතර නිතර රක්ෂිතයේ කෝපි කැඩිමට යන බවත්,  ඊයේ (20)  දහවල්ද  රකෂිතයට ගිය අවස්ථාවේ පැවති  අධික වර්ෂාවත් සමඟ මාර්ගය සොයා ගැනිමට නොහැකිව රක්ෂිතය තුළ  රාත්‍රිය ගත කර ඇත.

ගිනිගත්හේන පොලිසියේ නිලධාරින් සහ ප්‍රදේශවාසින් එක් ව රක්ෂිතයේ මෙහෙයුමක් සිදු කළ අතර අද උදෑසන ගම්වාසින්ට එම රක්ෂිතයේ ගලක් මත සිටියදි මෙම කාන්තාවන් දෙදෙනා හමු වි ඇති බව පොලීසිය සඳහන් කළේය.