(ඩී.ජී.සුගතපාල)

ගාල්ල නගරයේ පෞද්ගලික රෝහලක සේවය කළ 19 හැවිරිදි තරුණියක් සමූහ දූෂණය කිරීම සම්බන්ධයෙන් අත්අඩංගුවට ගෙන අධිකරණයට ඉදිරිපත් කළ සැකකරුවන් තිදෙනෙකු 17 වැනිදා තෙක් රක්ෂිත බන්ධනාගාර ගත කරන ලෙස ගාල්ල අතිරේක මහේස්ත්‍රාත් පවිත්‍රා සංජීවනි පතිරණ මහත්මිය අද (03) නියෝග කළාය.

මෙසේ රක්ෂිත බන්ධනාගාර ගත කරනු ලැබුවේ අවුරුදු 27,23,25 යන වයස්වල පසුවන තරුණයින් තිදෙනෙකි.

පළමු සැකකරු තරුණිය සමඟ එම ආයතනයේම සේවය කළ අයෙක් බවත් ඇය සමඟ සම්බන්ධයක් ඇතිකරගෙන හෝටලයකට ගෙන ගොස් දූෂණය කර එම ඡායාරූප ජංගම දුරකතනය ඔස්සේ අනෙක් සැකකාර මිතුරන් දෙදෙනාටද යවා තිබේ.

පසුව මිතුරන් දෙදෙනා තරුණියට ඡායාරූප පෙන්වා බියට පත්කර හබරාදුව ප්‍රදේශයේ හෝටලයකදී ඇය දූෂණය කර තිබේ.

මේ අතර ඇයගේ සහෝදරයෙකු එම ඡායාරුප දැක සිද්ධිය දැන ගැනීමෙන් පසු පොලිසියට කරන ලද පැමිණිල්ල අනුව සැකකරුවන් අත්අඩංගුවට ගෙන අධිකරණයට ඉදිරිපත් කරන ලදී.