(රංජිත් රාජපක්ෂ  )                    

බෝපත්තලාව රජයේ සත්ත්ව ගොවිපලේ ට්‍රැක්ටර් රථයක් පෙරළීමෙන් එම ට්‍රැක්ටර් රථයේ ගමන් ගත් ගොවිපලේ සේවකයෙකු මියගොස් රථයේ රියදුරා බරපතල ලෙස තුවාල ලබා නුවරඑලිය මූලික රෝහල වෙත ඇතුළු කර  ඇති බව ආගරපතන පොලිසිය පැවසිය.

මෙසේ මිය ගොස් ඇත්තේ බෝපත්තලාව රජයේ සත්ත්ව ගොවිපලේ සේවයේ නියුතු එස්.පොඩි මහත්තයා(35) නැමති එක්දරු පියෙකි.

අද (31) බෝපත්තලාව සත්ත්ව ගොවිපොල මැණික්පාලම ප්‍රදේශයේදී මෙම අනතුර සිදු වි ඇත.
 
බෝපත්තලාව රජයේ සත්ත්ව ගොවිපොලට අයත් තෘණ භුමියේ සිට සත්ත්ව ගොවිපොලට තෘණ ප්‍රවාහනය කරමින් තිබු ට්‍රැක්ටර් රථය මාර්ගයෙන් ඉවතට පැන ප්‍රපාතයකට පෙරළීමෙන් ට්‍රැක්ටර් රථයේ රියදුරා සහ සේවකයා යට වි බරපතල ලෙස තුවාල ලබා ඇත.
 
තුවාලකරුවන් දෙදෙනා ආගරපතන රෝහලට ඇතුළත් කිරීමෙන් පසු සේවකයා මිය ගොස් ඇති අතර ට්‍රැක්ටර් රථයේ රියදුරාගේ තත්ත්වය බරපතල නිසා තුවාලකරුව නුවරඑලිය මුලික රෝහල වෙත ඇතුලත් කර ඇති බවයි ආගරපතන පොලිසිය පැවසුවේය.