(තුසිත කුමාර ද සිල්වා)

බේරුවල වෙරළ ක්‍රීඩාංගනයට යාබදව කොට්ටම්බා ගසකට නැගුණු පුද්ගලයකු අද  (04) " එකම රටක එකම නීතියක්" ක්‍රියාත්මක කරන්නැයි පුවරුවක් ප්‍රදර්ශනය කරමින් එම ගස මත උපවාසයක නිරත වෙමින් සිටින  බව පොලිසිය කියයි.

මෙම පුද්ගලයා කාලවිල ප්‍රදේශයේ පදිංචි 45 හැවිරිදි අයෙකු බවත් තමන්ට පොලීසිය මගින් නීතිය නිසි ලෙස ක්‍රියාත්මක නොකළ බවත් පැවසීය.

එම ස්ථානයට පැමිණි කළුතර සහකාර පොලිස් අධිකාරි නිශාන් සිල්වා මහතා පුද්ගලයාට ගසෙන් බැස තමන්ට වූ අසාධාරණය හෝ ඉල්ලීම පවසන ලෙස දැන් වුවද එම පුද්ගලයා ගසෙන් බැසීම ප්‍රතික්ෂේප කළේය.

පෙරවරු 8.00 ට පමණ මෙම පුද්ගලයා අඩි 30ක් පමණ උස එම ගසට නැඟ ඇති අතර 12:00 වනවිටත් ගසේ රැඳී සිටිමින් උපවාසයේ නිරත වන බව ආකාරය දැක ගැනීමට හැකි විය.