(ඩී. කේ. රත්න)
 
ගම්මිරිස් මිල ඉතා පහළ වැටීමෙන් ගොවීන් දැඩි දුෂ්කරතාවයකට පත්ව ඇති බව පවසමින්, ඒ සඳහා සාධාරණ මිලක් ලබාදෙන්නැයි බදුල්ල දිස්ත්‍රික්කයේ ගම්මිරිස් ගොවීන් සුරැකීමේ එකමුතුව අද(02) හාලිඇල නගරයේදී පැවති මාධ්‍ය හමුවකදී පැවසූහ.
 
සාධාරණ මිලක් නොමැතිවීමෙන් වසර තුනක පමණ කාලයක සිට නෙළන ලද ගම්මිරිස් අස්වැන්න තවමත් නිවෙස්වල ගොඩගසා ඇති බවත්, මෙම වසරේ ගම්මිරිස් අස්වනු නෙළිමට සූදානම්ව පවතින බවත් පැවසූ ගොවීහු ඒ සඳහා සාධාරණ ස්ථාවර මිලක් නියම කරන ලෙස රජයෙන් ඉල්ලා සිටියහ.
 
ගම්මිරිස් සඳහා සාධාරණ මිලක් ලබානොදෙන්නේ නම් ඉදිරියේදී දැවන්ත විරෝධතාවක් පවත්වන බවද බදුල්ල දිස්ත‍්‍රික් ගම්මිරිස් ගොවීන් සුරැකීමේ එකමුතුවේ කැඳවුම්කරු ඉසුරුජීව බංඩාර මහතා පැවසීය.