(රොමේෂ් මධුෂංඛ)

මන්නාරම පේසාලෙයි ප්‍රදේශයේදී නාවික හමුදාව හා පොලිස් විශේෂ කාර්ය බලකාය එක්ව අද අලුයම (28) කළ මෙහෙයුමකදී කේරළ ගංජා කිලෝ 4යි ග්‍රෑම් 55 ක් සමග සැකකරුවෙකු අත්අඩංගුවට ගෙන ඇත.

අත්අඩංගුවට ගත් සැකකරු පේසාලේ පදිංචි 23 හැවිරිදි පුද්ගලයෙකි.

මන්නාරම පොලිස් විශේෂ කාර්ය බලකා කඳවුරේ සෙබලුන් පිරිසක් සහ උතුරුමැද නාවික විධානයට අයත් නිලධාරීන් පිරිසක් විසින් පේසාලෙයි ප්‍රදදේශයේ විශේෂ සෝදිසි මෙහෙයුමකදී යතුරුපැදියකින් ගමන්ගත් පුද්ගලයකු පිළිබඳව සැක සිතී එය පරීක්ෂා කර ඇත. එහිදී යතුරුපැදියේ සඟවා තිබූ කේරළ ගංජා තොගය හමුවී ඇත.
 
සැකකරු හා ගංජා තොගය ඉදිරි වමර්ශන කටයුතු සඳහා පේසාලෙයි පොලීසිය වෙතට භාර දී ඇත.