(ඩී.ජී.සුගතපාල)
 
මාතර සිට කොළඹ බලා ධාවනය වූ බස් රථයක කොන්දොස්තරවරයෙකුගේ මුදලක් කොල්ලකෑම සම්බන්ධයෙන් අත්අඩංගුවට ගෙන අධිකරණයට ඉදිරිපත් කරන ලද සැකකරු ඔක්තෝබර් 4 දක්වා රිමාන්ඩ් බන්ධාගාරගත කිරීමට ගාල්ල ප්‍රධාන මහේස්ත්‍රාත් හර්ෂණ කැකුණවෙල මහතා අද(26) නියෝග කළේය.
 
මෙසේ රිමාන්ඩ් බන්ධනාගාරගත කරනු ලැබුවේ රත්ගම රණපනාදෙණිය ප්‍රදේශයේ පදිංචි දඩල්ලගේ මනෝජ් ලසන්ත නමැති සැකකරුවෙකි.
 
ඊයේ (25) සවස ගාල්ල සමුද්‍ර මාවතේ මහජනපොළ අසළ බස් නැවතුමේ බසය නතර කල අවස්ථාවේ කොළඹ යාමට බව බවසා සැකකරු බසයට ගොඩවී ඇත. බසය ප්‍රධාන බස් නැවතුම් පොළ ඉදිරිපිට නැවතුමේ නතරකළ අවස්ථාවේ සැකකරු එක් වරම කොන්දොස්තරවරයා අත තිබූ රුපියල් 4,800ක මුදල කොල්ලකා දුව ගොස් තිබේ. සැකකරුව පොලිසිය ඊයේ අත්අඩංගුවට ගෙන තිබිණි.
 
ගාල්ල පොලිසියේ අපරාධ විමර්ශන අංශයේ ස්ථානාධිපති පොලිස් පරීක්ෂක දිනේෂ් නිශාන්තගේ උපදෙස් පරිදි සරයන් උදය කුමාර (14104) මහතා විසින් සැකකරු අධිකරණයට ඉදිරිපත් කරන ලදී.