(බිමල් ශ්‍යාමන් ජයසිංහ)

රිමාන්ඩ් බාරයේ සිටි බණ්ඩාරගම ප්‍රාදේශීය සභා මන්ත්‍රීවරයා මේ මස 25 වැනිදා දක්වා රක්ෂිත බන්ධනාගාර ගත කරන ලෙස පානදුර මහේස්ත්‍රාත් චන්දන කලංසූරිය මහතා අද (11) නියෝග කළේය.

බණ්ඩාරගම අටලුගම ප්‍රදේශයේ කාන්තාවකට ලිංගික හිරිහැර සිදුකර පහරදී අඩත්තේට්ටම් කළැයි කියන සිද්ධියේ සාක්කිකරුවන්ට බැණ තර්ජනය කිරීමේ සිද්ධිය සම්බන්ධයෙන් මෙම පුද්ගලයා රක්ෂිත බන්ධනාගාර ගත කර තිබුණි.

මෙලෙස රිමාන්ඩ් බාරයට පත් වුයේ අබ්දුල් හමිද් මොහොමඩ් ඉමිතියාස් නැමැත්තාය.

සිංහල ජාතික පුරුෂයෙකු සමඟ විවහ වීම හේතුවෙන් ප්‍රදේශයේ මුස්ලිම් පල්ලියේ පිරිසක් තමන්ට අඩත්තේට්ටම් කර හිංසා කළැයි කියමින් එම පැමිණිල්ල ඉදිරිපත් කර තිබුණේ අබ්දුල් හසන් ෆාතිමා හයිෂා  නැමැත්තිය විසිනි.

අධිකරණය හමුවේ විභාග වන නඩුවක තම සේවාදායකයාගේ නිවසට ගල් මුල් ප්‍රහාර එල්ල කළ බවත් තම සේවාදායකයාගේ මවට ප්‍රාදේශීය සභාවේ මන්ත්‍රීවරයා බැන තර්ජනය කළ බවත් පවසමින් ජනාධිපති නීතිඥ වීරරත්න වලලියද්ද මහතා ඉකුත් ජුලි 11 වැනි දින අධිකරණයට කරුණු ඉදිරිපත් කළේය.

ඒ අනුව සාක්කිකරුවන්ට තර්ජනය කළැයි කියන මන්ත්‍රීවරයා වහාම අත්අඩංගුවට ගෙන අධිකරණයට ඉදිරිපත් කරන ලෙස මහේස්ත්‍රාත්වරයා නියෝග කර තිබිණි.