(පුෂ්පකුමාර මල්ලවආරච්චි)
 
රුපියල් මිලියන 1600 ක වියදමින්  කටුනායක ඉංජිනේරු තාක්ෂණ ආයතනයේ අලුතින් ඉදිකරනු ලැබූ තෙමහල් විද්‍යාගාර ගොඩනැගිල්ල අගමැති මහින්ද රාජපක්ෂ මහතාගේ ප‍්‍රධානත්වයෙන් අද (27) විවෘත කළේය.
 
ජාතික ආධුනිකත්ව හා කාර්මික පුහුණු කිරීමේ අධිකාරිය යටතේ කි‍්‍රයාත්මක කටුනායක ඉංජිනේරු තාක්ෂණ ආයතනය සදහා මෙම නව ගොඩනැගිල්ල ඉදිකරනු ලැබූයේ ඔස්ටි‍්‍රයා ජනරජයේ සහන ණය ආධාර යටතේ ය.
 
ශී‍්‍ර ලංකාවේ ඔස්ටි‍්‍රයානු තානාපති කාර්යාලයේ වානිජ කටයුතු පිළිබද උපදේශක ආචාර්ය රොබට් ලූක් මහතා ද විවෘත කිරීමේ අවසථාවට එක්ව සිටියේය. නව විද්‍යාගාර පහසුකම් ලැබීමත් සමග මෙතෙක් ජාතික ඉංජිනේරු විද්‍යා ඩිප්ලෝමාව පිරිනමනු ලැබූ කටුනායක ඉජිංනේරු තාක්ෂණ ආයතනයේ  2020 වසරේ සිට ඇතුළත් වන සියලූම සිසුන්ට ඉංජිනේරු විද්‍යා උපාධිය ලබා ගැනීමේ අවස්ථාව හිමිවීම විශේෂත්වයකි. මෙම උපාධිය සිඩ්නි සම්මුතියට අනුව අන්තර්ජාතිකව පිළිගැනෙන උපාධි පාඨමාලාවකි.
 
එහි විද්‍යාගාර නිරීක්ෂණය කළ අගමැති මහින්ද රාජපක්ෂ මහතා  අනතුරුව එහි ශිෂ්‍ය ශිෂ්‍යාවන් අමතමින්  දියුණු වන ලෝකයට තාක්ෂණය අවශ්‍ය වන බව පෙන්වා දෙමින් මෙම මධ්‍යස්ථානයේ පහුසුකම් භක්ති විද රටට වැඩදායි පුරවරසියන් ලෙස තම ජීවිතය සාර්ථක කර ගන්නා ලෙස ඉල්ලා සිටියේය.
 
ආයෝජන ප‍්‍රවර්ධන, සංචාරක, ගුවන් සේවා ඇමති ප‍්‍රසන්න රණතුංග,  මහතා ඇතුලූ මැති ඇමතිවරු ද  නිපුණතා සංවර්ධන අමාත්‍යාංශයේ ජ්‍යෙෂ්ඨ නිලධාරීහු ද මේ අවස්ථාවට එක්ව සිටියහ.