(දසුන් රාජපක්ෂ)
ජනමාධ්‍යවේදීන්ගේ වෘත්තීයභාවය ඉහළ නැංවීම සදහා වාර්ෂිකව ක්‍රියාත්මක කරන ඇසිදිසි ජනමාධ්‍ය ශිෂ්‍යයත්ව වැඩසටහන සදහා අයදුම්පත් කැදවීම ආරම්භ කර ඇති බව තොරතුරු හා සන්වේදන තාක්ෂණ අමාත්‍යාංශය පවසයි.

ඒ අනුව මෙම ශිෂ්‍යයත්ව වැඩසටහන සදහා අයදුම්පත් භාර ගැනීම පෙබරවාරි 7 වැනි දින දක්වා සිදු කරන බව තොරතුරු හා සන්වේදන තාක්ෂණ අමාත්‍යාංශයේ නිලධාරියකු අද (7) සඳහන් කළේය.

වසර තුනක සේවාකාලයක් සම්පූර්ණ කළ දිවයිනේ පිළිගත් විද්‍යුත් සහ මුදෘත ආයතනවල පූර්ණකාලීන හෝ අර්ධකාලීන පදනම මත සේවය කරන වයස අවුරුදු 18-55 ත් අතර මාධ්‍යවේදින්ට මෙම ශිෂ්‍යයත්ව වැඩසටහන සදහා අයදුම් කළ හැකි බව එම නිලධාරියා ප්‍රකාශ කළේය.

 ශිෂ්‍යයත්ව යෝජනා ක්‍රමයට යොමුකරන අයදුම්පත් ලබන පෙබරවාරි 7 වැනි දිනට පෙර අධ්‍යක්ෂ (මාධ්‍ය), තොරතුරු හා සන්වේදන තාක්ෂණ අමාත්‍යාංශය, අංක 163, කිරුළපන මාවත, පොල්හේන්ගොඩ, කොළඹ 05 යන ලිපිනය වෙත ලියාපදිංචි තැපැලෙන් එවිය යුතු අතර වැඩිවිස්තර 0112513645/0112513459 සහ 0112513460 යන දුරකතන අංක අමතා විමසිය හැකිය. එමෙන්ම www.media.gov.lk වෙබ් අඩවියට පිවිසීමෙන් වැඩිවිස්තර දැනගත හැකිය.