රංජිත් රාජපක්ෂ

අඹගමුව ප්‍රාදේශීය සභාවේ ප්‍රාදේශීය සභා මන්ත්‍රී හෙලප්‍රිය නන්දරාජ මහතා ගිනිගත්හේන ප්‍රාදේශීය ලේකම්  කාර්යයාලයට පිවිසෙන කාර්යාලය ඉදිරිපිට සත්‍යග්‍රහයක නිරතවිය.

යහපාලන රජයේ සීමානිර්ණය අනුව ගිනිගත්හේන ප්‍රාදේශීය ලේකම් කොට්ඨාසය පරිපාලනමය වශයෙන් කොටස් දෙකකට වෙන් කළ අති විශේෂ ගැසට් පත්‍රය අහෝසි කරන ලෙස බල කරමින් මෙලෙස සත්‍යග්‍රහයේ නිරත වී තිබේ.

අංක 21/47/28/2019 ඔක්තෝබර් 29  නිකුත් කල අති විශේෂ ගැසට් පත්‍රයක් මගින් ගිනිගත්හේන ප්‍රාදේශීය ලේකම් කොට්ඨාසයට අමතරව නොර්වුඩ් ප්‍රාදේශීය ලේකම් කාර්යාලය වශයෙන් කොටස් දෙකකට වෙන් කර ඇති බවයි.

මෙහිදි වැඩි දුරටත් අදහස් දැක් වු හෙලප්‍රිය නන්දරාජ මහතා කියා සිටියේ එකම ප්‍රාදේශිය ලේකම් කොට්ඨාසයක් තුළ සහජිවනයෙන් දිගු කලක් ජිවත් වූ ජනතාව නව බෙදිම අනුව දෙකට වෙන් වී ඇති බවයි.

පරිපාලන කොටස් දෙකක් වශයෙන් ක්‍රියාත්මක වෙද්දී ශ්‍රී පාදස්ථානය අඹගමුව ප්‍රාදේශීය සභා බල ප්‍රදේශයෙන් ඉවත් වී ශ්‍රි පාදස්ථානය නොර්වුඩ් ප්‍රාදේශීය ලේකම් කාර්යයාල බල ප්‍රදේශයට අයත් වන බවද හෙලප්‍රිය නන්ද රාජ මහතා මෙහිදි වැඩි දුරටත් පැවසීය.