(දයාරත්න ඇඹෝගම)
 
අනුරාධපුර විශ්ව විද්‍යාල විද්‍යායතනයේ සිසුන් ඉල්ලීම් කිහිපයක් මුල්කර ගනිමින් අද (04) පංති වර්ජනය කර උද්ඝෝෂණයක නිරතවූහ.
 
විද්‍යායතනය තුළ සිසුන්ට ඉගෙන ගැනීමට ඉඩ පහසුකම් නොමැතිවීම,උපාධිය වෙනුවට ඩිප්ලෝමාවක් ලබාදීමට විරෝධය පළ කරමින් ඔවුහු මෙසේ පංති වර්ජනය කරමින් උද්ඝෝෂණයේ නිරතවුහ.
 
මේ සම්බන්ධයෙන් අදහස් දක්වමින් අනුරාධපුර විශ්ව විද්‍යාල විද්‍යායතනයේ ශිෂ්‍ය ක්‍රියාකාරි කමිටුවේ සභාපති ඉමේෂ් බණ්ඩාරනායක සිසුවා මෙසේ පැවසීය.
 
‘‘මෙම ආයතනයේ සිසුන් 850 ක් අධ්‍යාපනය ලබනවා. එහෙත් ප්‍රමාණවත් තරම් ගොඩනැගිලි පහසකම නැහැ. මහපොළ ශිෂ්‍යධාර නැහැ.නේවාසික පහසුකම් නැහැ.අපට මුලින් කිවුවේ උපාධියක් දෙනවා කියලා.දැන් දෙන්න යන්නේ ඩිප්ලෝමාවක්.
 
එම නිසා අපට සාධාරණයක් ඉටුවණ තෙක්  පංති වර්ජනය කරනවා. ඒ වාගේම හෙට (05) අපි අඛණ්ඩ උපවාසයක් කරනවා.  
 
කුලියාපිටිය, බටන්ගල, රත්මලාන, මාතර සහ යාපනයේ විශ්වවිද්‍යාල විද්‍යායතනවල සිසුන්ද මේ ඉල්ලීම් දිනාගැනීම සඳහා පංති වර්ජනයේ නිරත වන බවද‘‘ ඔහු පැවසීය.