(ලලිත් නවරත්න)

වෙන්නප්පුව ප‍්‍රදේශයේ වෙල්යායක අනවසර ගොඩකිරීමක් වාර්තා කිරීමට ගිය නිදහස් මාධ්‍යවේදියකු වන ප‍්‍රසාද් පූරිණමාල් ජයමාන්න මහතාට මැර ප‍්‍රහාරයක් එල්ල කර මරණ තර්ජන එල්ල කළ බවට වෙන්නප්පුව පොලිසියට පැමිණීලි කර තිබේ.

ප‍්‍රහාරයෙන් තුවාල ලැබූ මාධ්‍යවේදී ප‍්‍රසාද් පූර්ණමාල් ප‍්‍රතිකාර සඳහා මාදම්පේ රෝහලට ඇතුළත් කර ඇත.

මෙම මැර ප‍්‍රහාරය එල්ල කර ඇත්තේ වෙන්නප්පුව ප‍්‍රදේශයේ  එක්සත් ජාතික පක්ෂයේ හිටපු පළාත් සභා මන්ත‍්‍රීවරයකුගේ පුත‍්‍රයකු සහ පුත්තලම දිස්ත‍්‍රික් පාර්ලිමේන්තු මන්ත‍්‍රීවරයකුගේ සමිපතම මැරයෙකි.

මෙම වෙල්යාය වයඹ පළාත් එක්සත් ජාතික පක්ෂ පළාත් සභා මන්ත‍්‍රීවරයකුට අයත් බව පැවසෙන අතර ඔහුට මෙම අයිතිය සම්බන්ධයෙන් ලිපිලේඛන ඉදිරිපත් කිරීමට අපොහොසත් වී තිබේ.

කෙසේ වෙතත් කඹුරු ගොඩ කිරීමට නීතිමය අවසරයක්ද නැත. මෙම කඹුර ගොඩකර හෝටලයක් ඉදිකිරීමට සුදානම් බව එම ස්ථානයේ සේවය කරන සේවකයින්ගෙන් දැනගැනීමට හැකිවී ඇත.

මෙම අනවසර ගොඩකිරීම් වැළැක්වීමට හෝ ප‍්‍රහාරය එල්ල කළ පුද්ගලයින් අත්අඩංගුවට ගැනීමට පොලීසියට මෙතෙක් නොහැකි වී තිබේ.