(බිඟුන් මේනක ගමගේ)

නුගේගොඩ අනුලා විද්‍යාල පරිශ්‍රයට බාහිර පුද්ගලයන් පිරිසක් පැමිණ එහි ගුරුවරුන්ට හා මවුපියන්ට මරණ තර්ජන එල්ල කළැයි මවුපියන් හා ගුරුවරු පිරිසක් පැමිණිල්ලක් කර ඇතැයි මිරිහාන පොලිසිය පවසයි.

අනුලා විදුහලේ උසස් පෙළ විද්‍යා අංශයේ සිසුවියන්ගේ පංති කව හමුවක් පැවැති අවස්ථාවේදී පැමිණි පිටස්තරයන් මෙසේ තර්ජනය කර ඇතැයි සී.අයි.බී 1-144/224 අංකයෙන් කළ එම පැමිණිල්ලේ සඳහන් වේ.

අනුලා විදුහලේ සිදුවී ඇතැයි කියන අක්‍රමිකතා කිහිපයක් සම්බන්ධයෙන් තොරතුරු ලබාදුන්නේ යැයි කියමින් මෙම පිරිස අසභ්‍ය වචන කියමින් තර්ජනය කර ඇතැයි එම පැමිණිල්ලේ සඳහන් වේ.

මේ අතර සිදුවීම් සම්බන්ධයෙන් සොයාබලන්නැයි ලංකා ගුරු සංගමය අධ්‍යාපන අමාත්‍යංශයෙන් වෙනම ලිඛිත ඉල්ලීමක් කර තිබේ.