(මුදිතා දයානන්ද)
ජනපතිවරණයේ සියලූ අපේක්ෂකයින් නම් කළ පසු, රටේ නායකත්වයට සුදුස්සෝ කවුදැයි නම් කරන ලෙස අපේක්ෂකයින් පත්කිරිමට නිර්දේශ ඉදිරිපත් කළ මහානායක හිමිවරු ඇතුළු සියලූ ආගමික නායකයින්ගෙන් ඉල්ලා සිටිනවා යැයි ජාතික භික්ෂු පෙරමුණේ ලේකම් වකමුල්ලේ උදිත හිමියෝ අද (15) පැවසූහ.
එසේ කළ නොහැකි වන්නේ නම් ආගමික නායකයින්ගේ නිර්දේශ සහිත ලියවිල්ල මේ රටේ තවත් එක ලියවිල්ලක් පමණක් බවට පත්වෙනවා යැයි ද උදිත හිමියෝ පැවසූහ.
උන්වහන්සේ එසේ පැවසූයේ මරදාන සමාජ හා සාමයික කේන්ද්රයේ දී පැවති ජාතික භික්ෂු පෙරමුණේ මාධ්ය හමුවකදීය.
තවදුරටත් උන්වහන්සේ මෙසේද පැවසූහ.
මේ වසර අවසානය හා ලබන වසර මුල් භාගය කියන්නේ මැතිවරණ කාල වකවානුවක් බව පැහැදිලි සත්යයක්. පළාත් සභා මැතිවරණය පැවැත්වීම ගැන කතා බහකුත් දැන් ඇවිත් තිබෙනවා. ඒක පැවැත්වුවත් නැතත් ජනාධිපතිවරණය කල්දාන්න බැහැ. එයින් පසුව මහමැතිවරණයක් එනවා.
මේ මොන මැතිවරණය පැවැත්වුවත් තමන්ගේ පක්ෂයෙන් ඉදිරිපත් කළ යුතු අපේක්ෂකයින් සතු විය යුතු ගුණාංග පිළිබඳව අපේ රටේ මහානාහිමිවරු ඇතුළු සියලූ ආගමික නායකයින් එක්ව නිර්දේශාවලියක් සකස් කර තිබෙනවා. මේ නිර්දේශාවලිය පසුගිය 6 වෙනිදා සියලූ පක්ෂ නායකවරුන්ට පිළිගන්වනු ලැබුවා. මෙය පක්ෂ නායකයින්ට ඉදිරිපත් කරමින් මේ ආගමික නායකයින් නොකියා කිව්වේ මෙතෙක් උඹලා පත් කළ අපේක්ෂකයින් මේ රටට සුදුසු අය නොවන බවයි.
ජනාධිපතිවරණයට අපේක්ෂකයින් ඉදිරිපත් කළ යුත්තේත් ඒ නිර්දේශවලට අනුවයි. දැන් ශ්රී ලංකා පොදුජන පෙරමුණේ අපේක්ෂකයා ඉදිරිපත් කර තිබෙනවා. 18 දා වෙනිදාට ජනතා විමුක්ති පෙරමුණ ප්රමුඛ ජාතික ජන බලවේගයේ අපේක්ෂකයා ඉදිරිපත් කරනවා. අපි ජාතික භික්ෂු පෙරමුණත් එම අපේක්ෂකයාට සහය දෙන්න තීරණය කර තිබෙනවා. මේ නිර්දේශවලට අනුකූල අපේක්ෂකයෙක් තමයි අපි ජාතික ජන බලවේගයෙන් ඉදිරිපත් කරන්නේ.
මේ නිර්දේශවලට අනුකූල අපේක්ෂකයින් කවුද කියලා මහානාහිමිවරු ඇතුළු ආගමික නායකයින් රටට පැවසිය යුතුයි. එසේ නොවුණහොත් මේ ලියවිල්ලත් තවත් එක ලියවිල්ලක් පමණක් බවට පත්වෙනවා වගේම ආගමික නායකයින්ගේ ප්රකාශත් විහිලූවක් බවට පත්වෙනවා. ඒ නිසා අපි සුදානම් 18 වැනිදායින් පසුව මේ ලියවිල්ලට අත්සන් තැබූ ආගමික නායකයින් සියලූ දෙනා මුණ ගැසී තමන්ගේ නිර්දේශවලට අනුකුළ අපේක්ෂකයින් කවුදැයි නම් කරන ලෙස ඉල්ලීමක් කරන්න.
මත්තල රාජපක්ෂ ජාත්යන්තර ගුවන් තොටුපළින් විදේශ රැකියා සදහා පිටව යන ශ්රී ලාංකිකයන්ට ඉදිරියේ දී වට්ටම් ලබා දීමට රජය සුදානම් යැයි සංචාරක අමාත්ය ප්ර
පක්ෂයේ සංවිධාන ජාලය සහ ශාඛා සමිති ශක්තිමත් කරගැනීමේ දීප ව්යාප්ත වැඩපිළිවෙළක් මේ සති අන්තයේ සිට ආරම්භ කිරීමට සමගි ජනබලවේගය තීරණය කර තිබේ.
තම අභිමතාර්ථ ඉටුකරගැනීම වෙනුවෙන් පැය 24 ක් තුළ ව්යවස්ථා කෙටුම්පතක් ඉදිරිපත් කර ඇති ආණ්ඩුවට ජනතා අවශ්යතා වෙනුවෙන් මාස දහයක් තුළ කිසිවක් ඉටුකර ගැනීමට
විධායක ජනාධිපති ධූරයේ බලතල සීමාකර ප්රජාතන්ත්රවාදයත් පාර්ලිමේන්තුවත් ශක්තිමත් කිරීමට 19 වන සංශෝධනයට අත එස වූ පිරිස පාර්ලිමේන්තුවත් ප්රජාතන්ත්රව
තුනෙන් දෙකේ බලය පාවිච්චි කර ජනතාවගේ යහපත් අපේක්ෂාවන් ඉටු කරනවා වෙනුවට වර්තමාන ආණ්ඩුව පළවෙනි කැබිනට් මණ්ඩලයේ දීම 19 වන ව්යවස්ථා සංශෝධනය විසිකර දමා ජනත
සෞදි අරාබියේ වසර 30කට ආසන්න කාලයක් සේවය කරමින් සිටියදී මීට මාස දෙකකට පමණ පෙරදී රෝගාතුරවී සිහිසුන් තත්ත්වයෙන් එරට පෞද්ගලික රෝහලක ප්රතිකාර ලබමින් සිටි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘සුදුස්සෝ කවුදැයි නම්කරන්න’