(නිමල කොඩිතුවක්කු)
ජනතාවට බය නැතුව තමන්ගේ ඡන්දය ලබා දිය හැකි, ජනතාවගෙන් ලබාගත් ඡන්දයට වගකිවහැකි අපේක්ෂකයෙකු මෙවර ජනාධිපතිවරණය සඳහා ඉදිරිපත් කරන බව ජනතා විමුක්ති පෙරමුණේ ප්රධාන ලේකම් ටිල්වින් සිල්වා මහතා අද(16) පැවැසීය.
රට ගොඩ නැගීම සඳහා ජනතා විමුක්ති පෙරමුණ විසින් ගොඩ නගා ඇති ජාතික ජන බලවේගය වටා එක්වීම හැර ජනතාවට වෙන විකල්පයක් නොමැති බවත් ඔහු සදහන් කළේය.
බත්තරමුල්ල පැලවත්ත පිහිටි ජනතා විමුක්ති පෙරමුණු ප්රධාන කාර්්යාලයේ අද(16) පැවති මාධ්ය හමුවකට එක්වෙමින් ඔහු මේ බව පැවසීය.
එහිදී වැඩිදුරටත් අදහස් ටිල්වින් සිල්වා මහතා මෙසේද කීය.
“ජනාධිපතිවරණය සම්බන්ධයෙන් ඉදිරිපත් වන්නේ රනිල්ද, සජිත්ද, කරූද කියලා තීරණයක් ගන්න බැරුව අපේක්ෂකයෙක් ඉදිරිපත් කරගන්න බැරිව එක්සත් ජාතික පක්ෂය අර්බුදයක ඉන්නවා.
2015දී මහින්ද රාජපක්ෂ කඳවුර පරාජය කළ බලවේග අතර කතාබහක් තිබෙනවා, ගෝඨාභය රාජපක්ෂ පැමිණීමත් සමග ප්රජාතන්ත්රවාදය අනතුරකට පත්වෙන නිසාත් ඒකාධිපතිත්වයකට රට ගමන් කළ හැකි නිසාත් එයට එරෙහිව එක පෙරමුණක් ලෙස පොදු අපේක්ෂකයෙක් ඉදිරිපත් කළ යුතුයි කියලා. අපිත් හිතනවා මහින්ද රාජපක්ෂ කඳවුරේ දේශපාලන සංස්කෘතිය පරාජය කළ යුතුයි කියලා.
2015දී එම කඳවුරට එරෙහිව ඡන්ද ලක්ෂ 62ක් ලබාදුන්නා. එම ඡන්දවලින් බලයට පැමිණි වර්තමාන පාලනය එම දේශපාලන සංස්කෘතිය පරාජයට පත්කළේ නැහැ. එයම පවත්වාගෙන ගියා. මහ බැංකු බැඳුම්කර වංචාවට සම්බන්ධව අල්ලස් ගත් රවී කරුණානායකට ටික කාලයකින් නැවතත් එම ඇමතිකම ලබාදුන්නා. රනිල් වික්රමසිංහ ප්රමුඛ එක්සත් ජාතික පක්ෂයත් මෛතී්රපාල ජනාධිපතිවරයාත් පැවති දේශපාලන සංස්කෘතිය යහපත් තත්වයට ගෙන ඒමට අසමත් වුණා.
රාජපක්ෂ අශිෂ්ට දේශපාලන සංස්කෘතිය පරාජයට පත්කළ හැක්කේ ජනතා විමුක්ති පෙරමුණ ප්රමුඛ ජාතික ජන බලවේගයට පමණයි. රාජපක්ෂ දේශපාලනයට එරෙහිව තිබෙන එකම මධ්යස්ථානය ජාතික ජන බලවේගයත් එයින් ඉදිරිපත් වන අපේක්ෂකයා ප්රමුඛ කඳවුරත් පමණයි. ඒ වෙනුවට වෙනත් පුද්ගලයින් යෝජනා කිරීම හෝ නැවත 2015ට යෑම මේ මොහොතේ යථාර්ථය නෙමෙයි.
රටට අලූත් ආදර්ශයන් පෙන්වපු, සංවිධාන විනයක් සහිත ව්යාපාර විශාල ප්රමාණයක් හා එක්වුණු ජනතා මධ්යස්ථානයක් දැන් අපි ගොඩනගා තිබෙනවා. එම මධ්යස්ථානය වටා එක්වීම හැර ජනතාවට වෙන විකල්පයක් නැහැ. එම මධ්යස්ථානය ජාතික ජන බලවේගයයි. ජාතික ජන බලවේගයේ අපේක්ෂකයා 18වැනිදා අපි රටට හඳුන්වා දෙනවා.
අපේක්ෂකයන් කිහිප දෙනෙක් හිටියට දැන් අපේ රටේ තිබෙන්නේ දේශපාලන කඳවුරු දෙකක් පමණයි. රට ගොඩනගන්න සූදානම්. ජනතාවගේ ආශිර්වාදය සහිත ජනතාව බලාපොරොත්තු වූ ජාතික ජන බලවේගය නියෝජනය කරන අපේක්ෂකයා සහිත කඳවුර සහ රට ණය කරපු රට විනාශ කරපු රටේ සම්පත් කොල්ලකාපු අනෙක් කඳවුර එම දේශපාලන කඳවුරු දෙකයි. ජනතාවට තෝර ගන්න තිබෙන්නේ රට හදන කඳවුර හෝ රට විනාශ කරපු කඳවුරයි.
අපි සමග ඉන්නේ දේශපාලනය පිළිබඳ හොඳ කියවීමක් තිබෙන, දර්ශනයක් සහිත දැක්මක් සහිත ජනතාවක් නියෝජනය කරන පිරිසක්. එහි මංගල රැලිය තමයි 18වැනිදා ගෝල්ෆේස් පිටියේදී පවත්වන්නේ. එය අපේ රටේ දේශපාලනයේ අලූත් හැරවුම් ලක්ෂයක් වෙනවා. අපේ රටට අලූත් ගමනක් නිර්මාණය කරන දිනයක් වෙනවා.
අපි ජනතාවගෙන් ඉල්ලනවා රට රකින, රට හදන බලවේගය සමඟ අත්වැල් බැඳගන්න කියලා. ප්රගතිශීලී කතා කියමින් ජනතාව මුලා කරන ප්රකාශවලට ගොදුරු වෙන්න එපා කියලා අපි ඔවුන්ගෙන් ඉල්ලනවා” යැයිද ටිල්වින් සිල්වා මහතා එහිදී පැවැසීය.
මෙම අවස්ථාව සදහා ජනතා විමුක්ති පෙරමුණේ මධ්යම කමිටු සාමාජික නීතිඥ සුනිල් වටගල මහතාද සහභාගී විය.
“මේ රට විනාශ කරපු මේ රට හිඟන තත්වයට ඇද දැමු දූෂිත පාලකයන් යටතේ පවත්වන අවසන් මැයි දින රැලිය මෙයයි. දූෂිතයන් යටතේ තවත් එක මැයි දිනයක්වත් මේ රටේ පැවැත්වෙන්
එළඹෙන ජනාධිපතිවරයෙන් ජය ලබන්නේ ශ්රී ලංකා පොදුජන පෙරමුණේ ආශිර්වාදය තියෙන අපේක්ෂාකයා. ජය ලබන ජනාධිපති අපේක්ෂකයා සිටින ශ්රී ලංකා පොදුජන පෙරමුණ සමඟ
ජනතාව සිටින්නේ ශ්රී ලංකා නිදහස් පක්ෂය සමග බව අද පැවති මැයි දින රැළියේදී සහතිකයක් ලැබුණා. ඉදිරි මැතිවරණය ජයග්රහණය කිරීම සඳහා පුළුල් සංවිධානයක් ඇති
අසීරුවෙන් ආරක්ෂා කරගත් රටේ ආර්ථිකය තවදුරටත් ගොඩනැගීම සඳහා ජනතාව ගැන සිතා ආණ්ඩුව සමඟ ගිවිසුමකට එන්නැයි සජබ ,ජනතා විමුක්ති පෙරමුණ ඇතුළු සියලු පක්ෂවලට
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘බය නැතිව ඡන්දය දිය හැකි අපේක්ෂකයෙක් ඉදිරිපත් කරනවා’