2025 දෙසැම්බර් මස 22 වන සඳුදා
(රංජන් කස්තුරි)
නව අධ්යාපන ප්රතිසංස්කරණවලට අදාළව පාසල් කාලය විනාඩි 30කින් දීර්ඝ කිරීම ජාතික අධ්යාපන ආයතනය, අධ්යාපන කොමිෂන් සභාව සහ අධ්යාපන අමාත්යාංශය එක්ව ගත් සාමූහික තීරණයකැයි අධ්යාපන, උසස් අධ්යාපන සහ වෘත්තීය අධ්යාපන අමාත්ය, අග්රාමාත්ය ආචාර්ය හරිනි අමරසූරිය මෙනවිය පැවසුවාය.
අධ්යාපන ක්ෂේත්රය තුළ මේ වන විට පැනනැඟී ඇති ගැටලු කිහිපයක් සාකච්ඡා කිරීම සඳහා අග්රාමාත්යවරිය සහ ගුරු විදුහල්පති වෘත්තීය සමිති සන්ධානය අතර හමුවක් අද බත්තරමුල්ල ඉසුරුපායහි අධ්යාපන අමාත්යාංශයේදී පැවැති අතර එහිදී අගමැතිවරිය එම අදහස් පළ කළාය.
2026 වසරේ දී ක්රියාත්මක කිරීමට නියමිත නව අධ්යාපන ප්රතිසංස්කරණවලට අදාළව පාසල් කාලය විනාඩි 30කින් දීර්ඝ කිරීම නිසා ඇති වන ගැටලු පිළිබදව එහිදී වෘත්තීය සමිති සාමාජිකයෝ අග්රාමාත්යවරියට ඉදිරිපත් කළහ.
නව ප්රතිසංස්කරණ ක්රියාවලිය අනුව පන්ති කාමරය තුළ සිදු කරන ඇගයීම් ක්රමවේදයේ දී, ගුරුවරයාට ඇගයීම් කටයුතුත් සිසුන්ට අධ්යයන සහ ප්රායෝගික ක්රියාකාරකම් නිසි පරිදි සිදු කිරීම සඳහාත් එක් කාලපරිච්ඡේදයක් විනාඩි 50 දක්වා දීර්ඝ කිරීමට සිදු වන බවද එහිදී අගමැතිවරිය කීවාය.
තවද වෘත්තීය සමිති මගින් ඉදිරිපත් කරනු ලැබූ යෝජනා පිළිබඳව නැවත සමාලෝචනයක් සිදු කරන බව ද අග්රාමාත්යවරිය ප්රකාශ කළාය.
මෙම සාකච්ඡාවේ දී පසුගිය දිනවල සිදු වූ ස්වාභාවික ආපදාවලින් විපතට පත් පාසල් යළි ගොඩනැඟීම සම්බන්ධයෙන් ද කරුණු සාකච්ඡා කෙරිණ.
2025 දෙසැම්බර් මස 18
362
2
ශ්රී ලංකාවේ අංක 1 සන්නිවේදන සම්පාදකයා වන ඩයලොග් ආසිආටා පීඑල්සී, මෙරට ඩිජිටල් තාක්ෂණික ගමන්මගේ සුවිශේෂී සන්ධිස්ථානයක් සනිටුහන් කරමින්, 5G යුගයක් සඳහා
2025 දෙසැම්බර් මස 16
217
0
සියපත ෆිනෑන්ස් පීඑල්සී සිය දීපව්යාප්ත ශාඛා ජාලය තවදුරටත් පුළුල් කරමින් 60 වැනි ශාඛාව කෑගල්ල දිස්ත්රික්කයට අයත් වරකාපොළ නගරයේ විවෘත කොට ඇත.
2025 දෙසැම්බර් මස 04
1009
2
’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්
‘‘පාසල් විනාඩි 30ක් දිගු කිරීම සාමූහික තීරණයක්‘‘