IMG-LOGO

‘සජිත්ට විපක්ෂයවත් ඉතුරු වෙන්නේ නැහැ‘

(මස්කෙළිය-ගාමිණී බණ්ඩාර ඉලංගන්තිලක)

ශ්‍රී ලංකා නිදහස් පක්ෂය හා ශ්‍රී ලංකා පොදුජන එක්සත් පෙරමුණ පක්ෂ දෙකක් බවත්, ශ්‍රී ලංකා නිදහස් පක්ෂය පසුගිය කාලයේ එක්සත් ජාතික පක්ෂය සමග හිඳිමින් ශ්‍රී ලංකා පොදුජන පෙරමුණ හා එහි නායකයින්ට සහ ඒ අයට අධිකරණ ගානේ ගොස්  කරදර කළ බවත්, දැන්  එකතුවී එක සංධානයක් හැදුවත් පරණ අතීත සිදුවීම් සම්පූර්ණයෙන් අමතක කරන්නේ නැති බවත් හිටපු රාජ්‍ය අමාත්‍ය හා නුවරඑළිය දිස්ත්‍රික් ශ්‍රී ලංකා පොදුජන පෙරමුණේ අපේක්ෂක එස්.බී.දිසානායක මහතා පැවසීය.

කොත්මලේ නගරයේ අද (18) පැවති ජන හමුවකින් අනතුරුව මාධ්‍යවේදීන්ගේ ප්‍රශ්න වලට පිළිතුරු දෙමින් අමාත්‍යවරයා එසේ පැවසීය.

එහිදී වැඩිදුරටත් අදහස් දක්වමින් දිසානායක මහතා මෙසේද කීය.

“සජිත් ප්‍රේමදාස මහතා දන්නවා... ඉර හඳ වගේ බලයට ඒම කෙසේ වෙතත් හරියට විපක්ෂයවත් හදා ගන්න බෑ කියලා. මැතිවරණ ප්‍රථිපලයත් එක්ක ස්ථීර වශයෙන්ම සජිත්ලා ඉන්නේ ටී.එන්.ඒ. එක හා  අනෙක් සුළු ජාතික පක්ෂ වලටත් පිටිපස්සෙන්. විපක්ෂයවත් ඒ අයට ඉතුරු වෙන්නේ නෑ. ඒ අයට ඕන දෙයක් කියන්නත් පුළුවන්. ඕන පොරොන්දුවක් දෙන්නත් පුළුවන්.  අඩුම වශයෙන් විපක්ෂයවත් අල්ලගන්න පුළුවන්නම් පොඩි වගකීමක් තියෙනවා කියල හිතෙයි. එහෙමත් බැරි බව ඒ අය දන්නවා. විපක්ෂයේ, පිටුපස මන්ත්‍රීවරයෙන් විදිහට ඉන්න සජිත්ට මොනවද කියන්න බැරි? ඒ නිසා ඒවා පුස් වැකි නිසා අපි කිසිම සැලකිල්ලකටවත් භාජනය කරන්නේ නෑ.

එක්සත් ජාතික පක්ෂයට නව වැඩ පිළිවෙලක් හදන්න ඒ පක්ෂයේ ඉන්න සුළු පිරිසකට ඕනකම තිබ්බත් රනිල් වික්‍රමසිංහ එ.ජා.ප.යේ නායකතුමාට වෙනස් වෙන්න බෑ. ඒක ඇත්තටම එතුමාට තිබෙනව මානසික ප්‍රශ්නයක්. ඒ නිසා එජාපය කවදාවත් අළුත් වැඩපිළිවෙලකට යන්නේ නෑ. අපි පසුගිය මැතිවරණයට ඉදිරිපත් කරපු සෞභාග්‍යයේ දැක්ම වැනි වැඩසටහනක් ගැන මේ අය අධ්‍යයනය කරලත් නෑ. දැන් අකිලලා වගේ අය මේ පරාජය හිසේ තියාගෙනනේ ඉන්නේ. ඒ පක්ෂය දෙකට කැඩිලා විතරක් නොවෙයි පක්ෂයේ 80%ක් සජිත් එක්ක ගිහින්. රනිල් එක්ක ඉතුරු වෙලා ඉන්නේ 20% ක් විතර. අකිල දැන් ඉන්නේ ඒ 20% තියෙන පක්ෂයේ. එන මැතිවරණයේදී සජිත්ලා වගේ අය ආසන 25 ක් විතර ගනිද්දී මේ අයට ආසන 10 කටවත් යන්න අමාරු වෙයි.

මේ පක්ෂය ඉතාමත් අවාසනාවන්ත ඛේදවාචකයට මේ මැතිවරණයෙන් පස්සේ යනවා. ඒ නිසා දැන් ඒ අය ඔහේ දොඩවනවා. ඒ කතා දැක්මක් ඇතිව අධ්‍යනයක් කරලා කියන කතා නොවෙයි.” යැයි එස්.බී.දිසානායක මහතා වැඩිදුරටත් සඳහන් කළේය.



අදහස් (3)

‘සජිත්ට විපක්ෂයවත් ඉතුරු වෙන්නේ නැහැ‘

සෙනෙවිරත්න Saturday, 18 July 2020 02:29 PM

පොහොට්ටුවේ මහත්වරුනි, නෝනාවරුනි, ශ්‍රී ලංකා නිදහස් පක්ෂ මහත්වරුනි, නෝනාවරුනි, සියල්ල⁣ට පෙර මේ පිං මන්ත්‍රී කමක් කළ අයට අවස්ථාවක් දෙන්න නම් එපා...

:       0       619

Rata PerataSunday, 19 July 2020 07:46 AM

ජනතාව අසරණයි. රාජපක්ෂලා මෙයාලව ජාතික ලැයිස්තුවෙන් ගනී. ගියපාර වගේ..

:       0       14

Rata Perata Sunday, 19 July 2020 07:45 AM

මේ වගේ අයට නාම යෝජනා දුන්නා වුණත් එන්න දෙන්න එපා.

:       0       40

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 52 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 449 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 887 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site