(මාතලේ රවින්ද්‍ර විරාජ් අබයසිරි)
හිටපු ජනාධිපති මහින්ද රාජපක්ෂ ගැන දැන් ඔය කථාකරන කටත් වඩා අයිතියක් තියෙන්නේ මටයි .එදා ඔවුන් එතුමව පරාජය කරන්නයි වැඩ කළේ අද ඔවුන් නැවත වරක් එතුමාව පාරාජය කිරිමටයි කටයුතු කරන්නේ යැයි වැවිලි කර්මාන්ත නියෝජය අමාත්‍ය නිතිඥ ලක්ෂ්මන් වසන්ත පෙරේරා මහතා පැවසීය.
 
නියෝජ්‍ය අමාත්‍යවරයා එසේ පැවසුවේ මාතලේ දිස්ත්‍රික්කයෙන් එක්සත් ජනතා නිදහස් සංධානයෙන් පළාත් පාලන මැතිවරණයට තරගවදින අපේක්ෂකයින් දැනුවත් කිරිමේ වැඩ සටහනකට එක්වෙමින් ඊයේ (24)දින  මාතලේ ද ග්‍රෑන් මවුන්ටන් හෝටලයේ පැවති උත්සවයකදීය.
 
එදා හිටපු ඇමති ජනක බණ්ඩාරලා ඇතුළු පිරිස  හිටපු ජනාධිපති මහින්ද රාජපක්ෂව පරාජය කරන්න කටයුතු කළා .අද ඒ අයම එනවා හිටපු ජනාධිපතිකුමාට පනදෙන්න කියන්න.හිටපු ජනාධිපති තුමා ගැන මාතලේ වෙන කාටවත් කථා කරන්න අයිතියක් නැ . හැබැයි  ගමට එන්න එපා මහින්ද මහත්තය විකුනලා ඡන්දේ ගන්න මම හිතන්න එපා මමත් මේ ගේම ලේසියෙන් අත් අරියි  කියලා.
අපි හිටපු ජනාධිපති මහින්ද රාජපක්ෂ මහත්තයාට අදත් ආදරෙයි හෙටත් ආදරෙයි එතුමා රට බේරාගත් නායකයා වගේම දැන්  අපේ පක්ෂයේ  අනුශාෂකවරයා එතුමා අදටත් පපුවට ගහගෙන කියනවා ශ්‍රි ලංකා නිදහස් පක්ෂයේ බව.ඔව් අපිත් ශ්‍රිලංකානේ දැන් අපි පක්ෂයේ සභාපති මෛත්‍රිපාල සිරිසේන මහතා සමග පක්ෂය ශක්තිමත් කරනවා.
 මාතලේ දිස්ත්‍රික්කයේ  ජයග්‍රහණය සදහා අපි සමග තොණ්ඩමන් මහතාගේ පක්ෂයයි මුස්ලිම් ජනතාවගේ විශ්වාසයි ගොඩනගා ගැනිම තුළින් අපේ ජයග්‍රහණය තහවුරුවෙලයි තියෙන්නේ.එක්සත් ජාතික පක්ෂය සිදු කළ සමික්ෂණයන්ට අනුව ඔවුන් දැනටමත් ලග්ගල ආසනයේ පරාජය පිලිගෙන ඇති බව වාර්ථාවනවා.තව දින 45යි තියෙන්නේ. අපි ගෙයින්ගෙට ගොස් ජනතාව දැනුවත් කළ යුතුයි.අපේ ජයග්‍රහණය ස්ථිරයි යැයි පෙරේරා මහතා වැඩි දුරටත් සදහන් කළේය.
මෙම අවස්ථාවට හිටපු අමාත්‍ය නන්දිම්ත්‍ර ඒකනායක ශ්‍රි ලංකා නිදහස් පක්ෂ මාතලේ ආසන සංවිධායක උජිත් අනුරාධ මහතා රත්තොට ශ්‍රි ලංකා නිදහස් පක්ෂ සංවිදායක චින්තන ඒකනායක මහතා දඹුල්ල ආසන සම සංවිධයකවරුන් වන පළාත් සබා මන්ත්‍රි ඩබ්ලිව් එම් යසමාන යුර් දයානන්ද ඇතුළු විශාල පිරිසක් එක්වුහ.