(නිමල කොඩිතුවක්කු)

ලක්ෂ දෙසිය විස්සක් වන රටේ සමස්ත ජනතාවගේ ගැටළු වෙනුවෙන් පෙනී සිටිමින් ඔවුන්ට යහපත් අනාගතයක් උදා කිරීම වෙනුවෙන් තමන් කැපවන බව විපක්ෂ නායක සජිත් ප්‍රේමදාස මහතා නව වසරේ වැඩ අරඹමින් පැවසීය.

කොවීඞ් 19 වසංගතයෙන් රට ආරක්ෂාකර ජනතාවට සුරක්ෂිත අනාගතයක් ඇති කිරීම තම ඒකායන අරමුණ බවද විපක්ෂ නායකවරයා සඳහන් කළේය.

කොළඹ මාක්ස් ප්‍රනාන්දු මාවතේ පිහිටි විපක්ෂ නායක කාර්යාලයේදී 'අද(04) නව වසරේ වැඩ ආරම්භ කරමින් ඔහු මේ බව පැවසීය.

මහා සංඝරත්නය ඇතුළු ආගමික නායකයන් විසින් සර්ව ආගමික වතාවත් සිදුකර 'විපක්ෂ නායක සජිත් ප්‍රේමදාස මහතා ඇතුළු 'පිරිසට ආශිර්වාද කිරීම ද මෙහිදී සිදු කෙරිණ.

සමගි ජන බලවේගය පාර්ලිමේන්තු මන්ත්‍රීවරුන් පාක්ෂිකයන් ඇතුළු පිරිසක් පැමිණ විපක්ෂ නායක සජිත් ප්‍රේමදාස මහතාට නව වසර වෙනුවෙන් සුබ පැතුම් එක් කිරීම ද මෙහිදී සිදු කෙරිණ.

රැස්ව සිටි පිරිස ඇමතූ විපක්ෂ නායක සජිත් ප්‍රේමදාස මහතා මෙසේද කීවේය.

''”‍දුක් ගින්නෙන් පෙළෙන අපේ රටේ ජනතාවට සෞභාග්‍ය කරා යන ගමනේදී විපක්ෂයේ කාර්යභාරය මේ වසරේදී සාර්ථකව ඉටු කරන්නට බලාපොරොත්තු වෙනවා.

රටේ සමස්ත ජනතාවම මේ වන විට පීඩනයට දුකට පත්වෙලා ඉන්නවා. කොවීඞ් 19 වසංගතය පරාජය කරමින් රට රට සුරක්ෂිත කරමින් ජනතාව ආරක්ෂා කිරීමට අපි හැකි සෑම උත්සාහයක්ම දරනවා.

බුද්ධාගමට මුල්තැන දෙමින් සියළුම ආගම් වලට ගරු කරමින් සද් ජාතිකත්වය වැඩපිළිවෙළක් බිම් මට්ටමින් ක්‍රියාත්මක කරන්න අපි බලාපොරොත්තු වෙනවා.

ලක්ෂ 221 ජනතාවකට යහපත් අනාගතයක් අපි මේ අවස්ථාවේ ප්‍රාර්ථනා කරනවා. සහෝදරත්වයෙන් සංහිඳියාවෙන් මාතෘභූමිය ආරක්ෂා කිරීමට අපි කැප වෙනවා”‍ යයිද විපක්ෂ විපක්ෂනායකවරයා එහිදී පැවසීය.

ජලනි ප්‍රේමදාස) සමගි ජන බලවේගය මහලේකම් රංජිත් මද්දුමබණ්ඩාර) ජාතික සංවිධායක තිස්ස අත්තනායක) රාජිත සේනාරත්න) කුමාර වෙල්ගම යන පාර්ලිමේන්තු මන්ත්‍රීවරුන් පාක්ෂිකයන් ඇතුළු පිරිසක් මේ සඳහා එක්ව සිටියහ.