(නිමල කොඩිතුවක්කු)

ඇමරිකානු විරෝධයක් මවාපාමින්  බලයට පත්වූ වත්මන් ආණ්ඩුව ඇමරිකානු තානාපති කාර්යාලය ඉදිරිපිට රැස්වූ ජනතාවට පහරදීමෙන්ම වත්මන් ආන්ඩුවේ ඇමරිකානු ගති බාවය පෙන්නුම් කරන බව  වමේ කේන්ද්‍රයේ කැඳවුම්කරු චමිර පෙරේරා  මහතා කොළඹදී පැවසීය.

ආණ්ඩුවේ මෙම ප‍්‍රජාතන්ත‍්‍රවිරෝධි, මර්දනකාරි වැඩපිළිවෙළ දැඩිව හෙළා දකින බවද ඔහු  සඳහන් කළේය.

සමගි ජනබලවේගයේ පක්ෂ කාර්යාලයේ  අද(10* පැවති මාධ්‍ය හමුවකට එක්වෙමින්  ඔහු මේ බව  පැවැසීය.

එහිදී වැඩිදුරටත් අදහස් දැක්වූ චමිර පෙරේරා  මහතා මෙසේද කීය :

   ‘‘ලිප්ටන් වටරවුම සහ ඇමරිකානු තානාපති කාර්යාලය ඉදිරිපිට එල්ල කල ම්ලේච්ච ප‍්‍රහාරය සමගි ජනබල වේගය විදියට අපි දැඩි ලෙස හෙලා දකිනවා. කාන්තාවන් අදගෙන ගිහින් දාන විදිය  අපි දැක්කා. කාන්තාවන්ට ඒ විදියට සලකන්න බැහැ. මේක මානව විරෝධී තිරිසන් ප‍්‍රහාරයක්.

ආන්ඩුව පක්ෂ මේ රටේ ජනතාවටද ඇමරිකාවටද කියලා මේ ප‍්‍රහාරයෙන් අපි දැක්කා. රට ඇමරිකාවට විකුණනවා, රට බෙදනවා, රට ඇමරිකන් කොලනියක් වෙනවා කිය කිය ඇමරිකන් විරෝධයක් මවාපාමින් තමයි මේ ආන්ඩුව බලයට පත්වුනේ. එහෙම බලයට පත් වූ ආණ්ඩුව ඇමරිකානු තනාපති කාර්යාලය ඉදිරිපිට ජනතාව රැුස්වුනහම පහරදීලා දර පටවනවා වගේ මිනිස්සු උස්සගෙන පටවන් ගියා.

මේක තමයි මේ ආණ්ඩුවේ ඇත්ත සභාවය. ආණ්ඩුව මේ සූදානම් වෙන්නේ තමන්ට විරුද්ධ ක`දවුරු මර්ධනය කිරිමටයි. ඇමරිකාවට හෙම්බිරිස්සාවක් හැදුනුත් කිබුහුම් යන්නේ අද අපේ ආණ්්ඩුවටයි.  මේක පුදුම ඇමරිකානු ගැති ආණ්ඩුවක්.

දැන් මේ ආණ්ඩුව එම්. සී. සී. ගිවිසුමත් හොර රහසේ අත්සන් කරන්න සූදානම් වෙනවා. දැනට මෙහෙමනම් එම්. සී. සි ගිවිසුම ගේනකොට විරෝධය පළකලොත් කොහොම සලකයිද  කියලා ජනතාව අවබෝධ කරගත යුතුයි.

නිරෝධායන නීතිය ආරක්ෂා කරන මේ ආන්ඩුව තොන්ඩමන්ගේ අවමගුල් උත්සවයට මීටරයතක් තියා සෙන්ටිමිටරයක් බැලූවේ නැහැ. විරුද්ධ පක්ෂයට ගහන්න තියෙන ඝට ආන්ඩුවෙ අයට ගහන්න පොලිසියට නැහැ.
ආණ්ඩුව මැතිවරණයට කලින්  මේ විදියට නිරෝධායන නීති යොදා ගනිමින් විරුද්ධවාදීන් මර්ධනය කරනවනම් මැතිවරණයෙන් පස්සේ කොහොම මර්ධනයක් ගෙනයාවිද කියලා අපිට තේරුම් ගන්න පුලූවන්.