(තිලක නවරත්න -ඉතාලිය)

ඉතාලියේ විතෙර්බෝ නගරයේ 2017 බක්මහඋලෙළ සිංහළ දෙමළ ආදී සියලු ම ශ්‍රී ලාංකික ජන වර්ගයන් ගේ සහභාගිත්වයෙන් පැවැත්වීමට විතෙර්බෝ ගල්ලෙන් විහාරාධිකාරී   පඬුවස්නුවර සීලරතන හිමියන් ඇතුළු සංවිධාන කමිටුව කටයුතු සුදානම් කර තිබේ.

අප්‍රේල් මස 25දා අඟහරුවාදා විතෙර්බෝහි සන් මර්තීනෝ අල් චිමීනෝ පිීටියේ  උදේ 9.00 සිට ඇරැඹෙන මෙම සංස්කෘතික උලෙළට ශ්‍රී ලාංකිකයන්  මෙන් ම ඉතාලි ජාතිකයන් ද සම්බන්ධ වන අතර කතෝලික පියතුමන්ලා මෙන්ම බෞද්ධ භික්ෂූන් වහන්සේලා නායකත්වය හොබවන සාමග්‍රී හමුවක් ලෙසද පැවැත්වෙන බව 25 දෙනකුගෙන් සමන්විත සංවිධාන කමිටුව කියයි. 

අවුරුදු කුමරිය තේරීම, කොට්ටා පොර, ගම හරහා දිවීම, කණා මුට්ටිය බිදීම, ගෝනි රේස්, අලියට ඇහැ තැබීම, පොල් ගෑමේ තරගය, සංගීත පුටු තරගය, විකට ඇදුම් තරගය, බිත්තර ඇල්ලීම ආදි තරග ඉසව් 30කින් පමණ උලෙළ සමන්විත ය.

ජයලබන්නන් වෙත තෑගි පිණිස ස්වර්ණාභරණද ශ්‍රී ලංකාවට යාමට සහ ඒමට ගුවන් ප්‍රවේශපත් ඇතුළු අගනා තෑගි ව්තෙර්බෝ වාසි ශ්‍රී ලංකිකයන් විසින් සූදානම් කරනු ලැබ ඇත.