(සනත් ගමගේ, පද්මසිරි ගාර්දියවසම් සහ ගයාන් සූරිය ආරච්චි)               

හුංගම  පිංගම ප්‍රදේශයේදී අද (02) පස්වරුවේ පුද්ගලයෙකු වෙඩි තබා ඝාතනය කර ඇතැයි පොලිසිය පැවසීය .                   

මෙලෙස ඝාතනය කර ඇත්තේ හුංගම කිවුල පිට්ටනියාය ප්‍රදේශයේ පදිංචි දිසානායක මුදියන්සේලාගේ ඉමේෂ් කැලුම් කුමාර නමැති 32 හැවිරිදි විවාහකයෙකි .                 

පොලිසිය පැවසුවේ පුද්ගලික  ආරවුලක් මත වෙඩිතැබීම සිදුකර ඇති බවයි.

බලපත්‍ර සහිත බෝර 12 ගිණි අවියකින් මෙම වෙඩි තැබීම සිදුකර ඇති අතර  සැකකරු ගිණිඅවිය සමග හුංගම පොලිසියට පැමිණ බාරවී තිබේ .                         

වෙඩි වැදුණු පුද්ගලයා එම ස්ථානයේදීම ජීවිතක්ෂයට පත්ව ඇත.               

තංගල්ල කොට්ඨාස භාර  ජ්‍යෙෂ්ඨ පොලිස් අධිකාරි උපුල සෙනෙවිරත්න මහතාගේ උපදෙස් පරිදි හුංගම පොලිසිය සිද්ධිය ගැන පරීක්ෂණ පවත්වයි .