(සුජිත් හේවාජුලිගේ)

බන්ධනාගාරයන්හි කලබල සහ අරගල පිටත සිටින සංවිධානාත්මක පිරිසක් මෙහෙයවනවාදැයි තමාට සැකයක් මතු වන බව අධිකරණ සහ ජාතික ඒකාබද්ධතා අමාත්‍ය නීතිඥ හර්ෂණ නානායක්කාර මහතා පැවසීය

හේතුවක් නොමැතිව මෙවැනි සිද්ධි ඉස්මතුවීම් මීට පෙර නොවූ හෙයින් ඒ පිළිබඳව විශේෂ අවධානය යොමු කර සොයා බලන බව හෙතෙම සඳහන් කළේය.

බන්ධනාගාරයන්හි ගැටුම් ඇතිවීමට තදබදයද එක් හේතුවක් වුවත් ඒ තදබදය මේ රජයේ බලයට පත්වීමට පෙර සිටම තිබූ එකක් බව ඔහු කීය

බන්ධනාගාරවල තදබදය වැළැක්වීමට අවශ්‍ය ක්‍රියාමාර්ග ගනිමින් සිටින බවද අමාත්‍යවරයා කීය.

මහර බන්ධනාගාරයේ දේපළ රැසකට රැඳවියන් හානි කර ඇති බවත් ඒ පිළිබඳව විමර්ශන පවත්වා දැඩි පියවර ගන්නා බවත් හර්ෂණ නානායක්කාර මහතා පැවැසීය