(රෝහණ සමරවීර)

සෙවනගල උක් ගොවියන් සෙවනගල සීනි සමාගමට උක් අස්වැන්න නොදී ආරම්භ කළ දින හතක වැඩ වර්ජනය නිමා කරමින් එම කර්මාන්ත ශාලාව උක් ඇඹැරීම අද දින සිට ආරම්භ කරනු ලැබීය.

මේ වනවිට උක් ගොවීන්ගේ අමු උක් අස්වැන්න මිලදී ගැනීම ආරම්භ කළ බවත් පිළිස්සී ගිය උක් අස්වැන්න මිලට ගැනීම නැවැත දැනුම් දෙනතුරු නවතා දමා ඇති නමුත් එම අස්වැන්නට සාදාරන වන්දි මුදලක් ලබා දීමට ආයතනය කටයුතු කරන බව නම සදහන් කිරීමට අකමැති නිලධාරියෙක් පැවැසීය.

සෙවනගල ගොවිසෙත ඒකාබද්ධ උක් ගොවි සංවිධානයේ සභාපති ඒච්.පී. රැවන් සංජීව මහතා පැවැසුවේ පසුගියදා ජනාධිපති වරයා සමග පැවැති සාකච්ඡාවකින් පසුව එදින සිට උක් මිලදීගෙන කර්මාන්ත ශාලාවේ ඇඹැරුම් කටයුතු ආරම්භ කළ බවකි.

උක් වගාබිම් පිළිස්සීමත් සමග සෙවනගල ගොවීන් සති දෙකක පමණ කාලයක සිට දැඩි අර්බුධයකට මැදිවි සිටියදී විවිධ පාර්ශව කරුවන් හරහා ජනාධිපතිවරයාට තම දුක්ගැනැවිල්ල ඉදිරිපත් කිරීමට උත්සහයක නිරත වෙමින් සිටියදී පසුගියදා මොණරාගලදි ජනාධිපතිවරයාට කරුණු පැහැදිළි කිරීමට හැකියාවක් ලැබුණු බව බවකි.