(සුජිත් හේවාජුලිගේ )

හදිසි අනතුරකින් අභාවප්‍රාප්ත වූ රාජ්‍ය අමාත්‍ය සනත් නිශාන්ත මහතාගේ දේහය පිළිබඳ අවසන් කටයුතු 28ඉරිදා ආරච්චිකට්ටුවේදී සිදුකිරීමට  කටයුතු යොදා ඇතැයි පාර්ලිමේන්තු මන්ත්‍රී මහින්දානන්ද අලුත්ගමගේ මහතා පැවසීය.

රාජ්‍ය නායකයන්, හිටපු ජනාධිපති මහින්ද රාජපක්ෂ මහතා ඇතුළු ශ්‍රී ලංකා පොදු පෙරමුණේ නායකයන්, ඇතුළු පිරිසක් මේ අවස්ථාවට සහභාගිවීමට නියමිතය.

සනත් නිශාන්ත මහතා ගමන්ගත් සුඛෝපභෝගී මෝටරිය  කටුනායක අධිවේගී මාර්ගයේ කෙරවලපිටිය ප්‍රදේශයේදී  අද (25) අලුයම  කන්ටේනර් රථයක ගැටීමෙන් සිදුවූ අනතුරකින් ඔහු ජීවිතක්ෂයට පත්විය. සනත් නිශාන්ත මහතාගේ  වියෝව සැලවීමෙන් පසු මැති ඇමතිවරුන් රැසක්  ඒ මහතාගේ දේහය තැන්පත් කර ඇති රාගම රෝහලට ඊයේ  පැමිණ සිටිනු දැක ගත හැකිවිය.