(අංජුල මහික වීරරත්න සහ සුජිත් හේවාජුලිගේ)

වසර ගණනාවක් පුරා වතුකම්කරුවන් ලෙස හඳුන්වන උඩරට වැඩ කරන ප්‍රජාව මෙරටට විදේශ විනිමය ගෙන ඒමට විශාල වැඩකොටසක් ඉටු කළත් ඔවුන් සිටින්නේ අඩු පහසුකම් යටතේ බව විපක්ෂ නායක සජිත් ප්‍රේමදාස මහතා පාර්ලිමේන්තුවේදී පැවසීය.

නිසි පරිදි ප්‍රවාහන පහසුකම් නොමැති හෙයින් පාසල් වෙත ළඟා වීමට විශාල වෙහෙසක් දැරිමට සිදුවන බවත් ඊට අමතරව අඩු සෞඛ්‍ය පහසුකම් යටතේ  ඔවුන්ගේ ජීවන තත්ත්වය ඉහළ නැංවීමටත් ඔවුන් දුගී භාවයෙන් මුදා ගැනීමටත් රජය කටයුතු කළ යුතු බව විපක්ෂ නායකවරයා පැවසීය.

වතු කම්කරුවන් එම නාමයෙන් හඳුන්වනවාට වඩා උඩරට වැඩ කරන ප්‍රජාව ලෙස හැඳින්වීම වඩාත් සුදුසු බව ද විපක්ෂ නායකවරයා තවදුරටත් පැවසීය.