රෝගී පුද්ගලයකුට නිසි කලට බේත් හේත් සේම රැකවරණයත් අවශ්යයි. සුව වීම සඳහා බේත් හේත් මත පදනම් නොවී ඔවුන්ගේ මානසික සුවතාව උදෙසාද අපට කළ හැකි දෑ බොහෝය.
වයස්ගතවූ මවුපියන්, රෝගීවූ වැඩිහිටියන් මේ වනවිට ඔබ නිවසේ රැඳී සිටීමට පුළුවන. එබඳු අවස්ථාවකදී ඔවුන්ගේ සෞඛ්යය තත්ත්වය නඟා සිටුවීමෙහිලා ඔබට කළ හැකි දෑ, ඔවුන්ව කරදරයක් නොවන පරිදි රැක බලා ගත යුත්තේ කෙසේද යන්න දැනුම්වත් වෙමු.
1). රෝගියාගේ කාමරය අඳුරු නොවිය යුතු අතර හිරු එළිය, වාතාශ්රය මනාව ලැබෙන ඉඩපහසු තැනක් විය යුතුය.
අනවශ්ය භාණ්ඩවලින් පුරවා නැති රෝගියාට අත්යවශ්ය දෑ පමණක් පහසුවෙන් ලබා ගැනීමට පහසු පරිදි කාමරය සැකසිය යුතුය. රෝගියාට කිසිඳු අවහිරතාවකින් තොරව පහසුවෙන් එහා මෙහා ඇවිද යා හැකි පරිදි වය යුතුයි.
2). අවදානම් දේවල් රෝගියාගෙන් ඈත්කොට තබන්න.
මේ දිනවල විදුලිය විසන්ධි කිරීම නිසා බොහොමයක් නිවෙස්වල කුප්පි ලාම්පු, ඉටිපන්දම් වැනි දෑ දල්වනු ලැබේ. මෙවන් දෑ රෝගියාට ආසන්නව තැබීමෙන් වලකින්න. කාමරයට ආලෝකය ලැබෙන පරිදි ඈතකින් පරෙස්සමට තබා ගැනීමට වගබලා ගන්න. ඒ වගේම මදුරු කොයිල් වැනි දෑ රෝගියා ආසන්නයෙන් තබා නොතබන්න.
3). රෝගියාගේ පිරිසුදුභාවය පවත්වා ගෙන යන්න.
රෝගියාගේ ඇඳ ඇතිරිලි,පොරෝනය,කොට්ට උර, දිනපතා පිරිසුදුව සෝදා දමන්න. ඇඳ සැකසීමේදී වුවද රෝගියාට මුත්රා පාලනයකින් තොරව පිටවේ නම් ඉණ සහ කළවා වනතෙක් වෙනත් රෙදි කඩක් භාවිත කළ හැකිය. තවද රෝගියාගේ හිසකෙස්වල පවිත්රතාවද රැක ගනිමින් ස්නානය කරවීම, හිසකෙස්වල උකුණන් බෝ නොවීමට ඉඩ නොතැබීම වැනිදෑ කළ හැකියි. නියපොතු නිවැරැදිව කපා රෝගියාව නිති පිරිසුදුව තැබීමෙන් හෙතෙම විසබීජවලින් ආරක්ෂා කර ගත හැකිය. මෙය නිවසේ සෙසු සාමාජිකයන්ගේ සෞඛ්ය තත්ත්වය කෙරෙහි ද බලපානු ලැබේ.
4). රෝගියා වෙනුවෙන් යම් කාලයක් ඔබ දිනකට මිඩංගු කරන්න.
රෝගියාට හොඳින් ඇහුම්කන් දීමට ඔබට පුළුවන. හෙතෙම කලකට පෙර ආසා කළ දේවලට නැවතත් නතු කරවීමට එවිට හැකිවනු ඇත. තවමත් ඔහු නිවසේ නායකයා, වැඩිහිටියා බව නිරතුරු මතක් කර දෙන්න. එය ඔහුගේ මනස සුවපත් කරවීමෙහිලා කදිම ඔසුවකි.
5). රෝගී වූවකුට පිළි ගන්වන ආහාරය ගැනද සැලකිලිමත් වීම ඉතාම වටී.
වයෝවෘද පුද්ගලයකු නම් ආහාර මනාව සැපීමට පහසු වන පරිදි සැකසීම කළ හැකිය. පහසුවෙන් සැපිය හැකි, ගිලීමට පහසු , ලොකු කැබලි වෙනුවට සිහින් හා දියාරු ලෙස පිළියෙළ කරගත හැකිය. එමෙන්ම ආහාර ලබා දීමේදී නිතරම මඳ උණුසුම් ගතියෙන් යුතු වීමද වැදගත් වේ.
6). ජලය හොඳින් පානය කිරීමට ලබා දෙන්න.
මුත්ර, අසූචි පිටවීම වැඩි වාර ගණනක් සිදු වේයැයි බියෙන් සමහරු රෝගීන්ගේ කෑමබීම සීමා කරති. එය සිරුරේ ශක්තිය හීන වීමත්, තව තවත් රෝග වැළඳීමටත් හේතුවකි. ඒ අනුව දිනකට අවැසි වතුර ලීටර් දෙකත් දෙකහමාරත් අතර ප්රමාණය රෝගියාට ලබා දෙන්න.
රෝගියාගේ සේම නිවසේ සාමාජිකයන්ගේ මානසික සුවතාව රැකීමට හැකි වන පරිදි ඉහත පුරුදුවලට අනුගත විය හැකි නම් ඔබට කාර්යබහුලත්වය තවදුරටත් ගැටලුවක් නොවනු ඇත.
-සටහන- මාධවී ධර්මරත්න
සංවිධානාත්මක අපරාධකරුවකු හා ප්රබල මත්ද්රව්ය ජාවාරම්කරුවකු බව කියන නඳුන් චින්තක වික්රමරත්න හෙවත් හරක් කටාට අවශ්ය කරන සියලු ඉල්ලීම් ලිඛිතව ත්
පොළොන්නරුව වැලිකන්ද සිංහපුර ප්රදේශයේ 26 වෙනිදා දහවල් 11 ට පමණ, ඉසඩ්. ඩී. ප්රධාන ඇලෙන් ගලා බසින කෙත් ඇළට වැටුණු අවුරුදු දෙකක පිරිමි දරුවෙකු කිලෝමීටර් දෙක
ඊශ්රායල හමුදා ප්රහාර හේතුවෙන් ගාසා තීරයේ ගොඩ ගැසුණු සුන්බුන් ඉවත් කිරීම සඳහා ට්රක් රථ 100ක් භාවිත කළහොත් ඒ සඳහා වසර 14 ක කාලයක් ගත වෙනු ඇතැයි එක්සත් ජා
පාස්කු ඉරු දින ප්රහාරය පිළිබඳ විවාදයේදී හිටපු ජනාධිපති මෛත්රිපාල සිරිසේන මහතා අදහස් දැක්වීමට නියමිතව තිබුණත් ඔහු කිසිදු අදහස් දැක්වීමක් නොකිරීම
කොළඹ වෛද්ය පීඨ ශිෂ්ය ක්රියාකාරී සංගමය වෛද්ය පීඨ ශිෂ්ය ශිෂ්යාවන් මුහුණදී සිටින ගැටලු සහ පෞද්ගලික වෛද්ය පීඨ ස්ථාපිත කිරීමට ආණ්ඩුව ගෙන යන වැඩපිළ
ඇමෙරිකා එක්සත් ජනපද කෘෂිකර්ම දෙපාර්තමේන්තුවේ (USDA) වෙළෙඳ සහ විදේශ කෘෂිකාර්මික කටයුතු පිළිබඳ උප ලේකම් ඇලෙක්සිස් ටේලර් (Alexis Taylor) මහත්මිය සහ ජනාධිපති රනිල් ව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රෝගී පුද්ගලයකු නිවසේදී රැක බලා ගැනීමේ ක්රම