රුසියා යුද්දෙට යන්න ලාංකිකයෝ පෝලිමේ

(විමුක්ති එස් රුද්‍රිගු)

මෙරට පවතින ආර්ථික අපහසු තත්ත්වය හමුවේ රුසියානු පුරවැසි භාවය ලබා ගැනීමේ බලාපොරොත්තුවෙන් ශ්‍රී ලාංකිකයන් සිය ගණනක් රුසියානු හමුදාවට බැඳී ඇති බව එරට සිටින ශ්‍රී ලාංකිකයන් කිහි පදෙනකු ප්‍රකාශ කළ බව අල් ජසීරා පුවත් සේවය වාර්තා කළේය.

රුසියානු හමුදාවට බැඳුණු ශ්‍රී ලාංකිකයකු මසකට ඇමෙරිකානු ඩොලර් 3000 ක (ශ්‍රී ලංකා රුපියල් ලක්ෂ 9 ක් පමණ) වැටුපක් ලැබෙන බවද එම ශ්‍රී ලාංකිකයන් ප්‍රකාශ කළ බව අල් ජසීරා පුවත් සේවය සඳහන් කළේය.

ශ්‍රී ලංකා හමුදාවෙන් විශ්‍රාම ගෙන සිටින සොල්දාදුවන් බොහෝ පිරිසක් මේවන විට රුසියානු හමුදාවට බැඳීමට උත්සාහ දරමින් සිටින බවත් ඔවුන් තම පවුලට හොඳ කාලයක් උදා කර දීම සඳහා යුක්රේන හමුදාව අතින් ඝාතනයට ලක් වීමට පවා ඔවුන් සූදානමින් සිටින බවත් අල් ජසීරා පුවත් සේවය වාර්තා කළේය.

ශ්‍රී ලංකා හමුදාවෙන් විශ්‍රාම ගත් 27 හැවිරිදි නිපුණ සිල්වා මෙම මස මුලදී යුක්රේන හමුදා ප්‍රහාරයකින් මියගිය බව ඔහු සමඟ රුසියානු හමුදාවේ සේවය කළ 36 හැවිරිදි සේනක බණ්ඩාර අල් ජසීරා පුවත් සේවයට ප්‍රකාශ කර ඇත.

ඩොනෙට්ස්ක් නගරයේ බංකරයක සේවය කරමින් සිටියදී එල්ල වුණු යුක්රේන හමුදාවේ ඩ්‍රෝන ප්‍රහාරයක් හේතුවෙන් නිපුණ මියගිය බව සේනක බණ්ඩාර පැවැසුවේය.

ප්‍රහාරයෙන් නිපුණගේ පපුවට, අත් වලට සහ පාද වලට තුවාල වී අධික ලෙස රුධිරය වහනය වූ බවත් තමන් නිපුණව කර තබාගෙන පැමිණෙද්දී තවත් ප්‍රහාරයක් එල්ල වීම හේතුවෙන් ඔහුව දමා ඒමට සිදු වූ බවත් සේනක බණ්ඩාර ප්‍රකාශ කර ඇත.

අදහස් (8)

රුසියා යුද්දෙට යන්න ලාංකිකයෝ පෝලිමේ

සෙනෙවිරත්න Friday, 29 March 2024 08:44 AM

ඔන්න උදයංග වීරතුංග මහත්තයෝ ඉල්ලමක් ,තමුන්නැහැගෙ සම්බන්ධතා පෙන්වල මේ අයට අවස්ථාව ලබාදෙන්න. සනුහරේම අරගෙන සමුලුවලට යන්න ඩොලර් යහමින් ඕන කාලයක් මේ.

: 7 72

පිටිගල මිලානෝ Friday, 29 March 2024 01:19 PM

රුපියල් පන්දාහට මිනී මරන පාතාල අළුගෝසුවන්ට රැකියා අවස්ථාවක්.

: 4 29

Ajantha Friday, 29 March 2024 01:22 PM

කාලකන්නි දේශපාලකයෝ අපේ රටේ මිනිස්සු වට්ටපු තැන .තමන්ගේ පවුල රකින්න වෙන රටක් වෙනුවෙන් ජීවිතේ දෙනවා .තොපිට හොඳක් වෙන්නේ නෑ රට කාපු කාලකන්නි

: 7 63

Ahmed (Gulf) Friday, 29 March 2024 01:26 PM

මිග් ජෙට් හොරා, වේරතුංග ඩීල් එකෙන් ලේ සල්ලි එකතු කරයි, මේ දුප්පත් මිනිස්සු යුක්රේනයේ "කැනන් ෆොඩර්" ලෙස මිය යනු ඇත, වළලනු නොලැබේ, රුසියානු පෙරමුණට කෑමක් නැත බෙහෙත් නැත මරණය මරණය මරණය පමණයි

: 7 33

Kumar Friday, 29 March 2024 07:45 PM

ලංකිකයෝ පෙරමුණට යවයි. උදයංග රුසියානුවන් ලංකාවට ගෙනැවිත් ගණනක් කපා ගනිවි. රුසියාවට ගිය අයට මසක වැටුපක් ලැබෙයිද මැරෙන්නට කලින්...?

: 2 10

Wasantha jayaweera Saturday, 30 March 2024 11:39 AM

තමන්ගේ දරුවන් වෙනුවෙන් මොනවද නොකරන්නේ... රටේ පාලකයෝ කරපු හොඳ වැඩ තමයි නේද?

: 1 5

ලෙස්ලි Saturday, 30 March 2024 11:42 AM

ලංකාවේ කෑගහන සමාජවාදීන්ට යන්න පුලුවන් තමන්ගේ සමාජවාදී බිම බේරාගන්න...

: 7 0

Upul Palitha Yalegama Sunday, 31 March 2024 12:09 PM

ඩොලර් ගේන්න පුළුවන්නේ...!

: 0 0

ඔබේ අදහස් එවන්න

දියත

අංගොඩ ලොක්කාගේ ගෝලයෙක් ගුවන්තොටුපලේදී අල්ලයි

2024 අප්‍රේල් මස 29 110 0

ව්‍යාජ විදේශ ගමන් බලපත්‍රයක් භාවිතා කරමින් විදේශගත වීමට උත්සාහ කළ පාතාල අපරාධ කල්ලි සාමාජිකයෙක් යැයි කියන මුල්ලේරියාවේ පදිංචිකරුවෙක් වන එල්ලාවලගේ

ශ්‍රම බලකායත් අඩුවෙයි

2024 අප්‍රේල් මස 29 471 0

මෙරට ශ්‍රම බලකාය අඩු වී ඇතැයි ශ්‍රී ලංකා මහ බැංකුව නිවේදනයක් නිකුත් කරමින් පවසයි.

ලක් ගොවිතැනට චීන මුදලාලිලාගේ උදව්

2024 අප්‍රේල් මස 29 309 0

ශ්‍රී ලංකාවේ කෘෂිකාර්මික කටයුතු නංවාලීමට චීනයේ ක්‍රියාත්මක විශාලම කුඩා හා මධ්‍යම පරිමාණ ව්‍යාපාරික එකතුව සහයෝගය පළ කර තිබේ.

මල්ලිගේ කතුරු පහරින් අයියා මරුට

2024 අප්‍රේල් මස 29 727 1

සහෝදරයන් දෙදෙනෙකු අතර ඇතිවූ ආරවුලක් දුරදිග යාමෙන් මල්ලි විසින් අයියාට කතුරකින් ඇන බරපතල තුවාල සිදු කිරීමෙන් අනතුරුව රත්නපුර රෝහලට ඇතුළත් කිරීමෙන් ප

බොහෝ පළාත්වලට තද වැසි

2024 අප්‍රේල් මස 29 332 0

අන්තර් නිවර්තන අභිසාරී කලාපය (උතුරු අර්ධ ගෝලයේ සහ දකුණු අර්ධ ගෝලයේ සිට පැමිණෙන සුළං අභිසාරී වන කලාපය) දිවයිනේ කාලගුණයට බලපෑම් කරමින් පවතින බව කාලගුණවි

මාස නවයේ බිළිඳිය ළිඳට විසි කරලා

2024 අප්‍රේල් මස 29 569 0

සිය මාස නවයක බිළිඳිය ළිඳට විසිකර ඝාතනය කළ බව කියන මවක අත්අඩංගුවට ගත් බව මහමහබාගේ පොලිසිය පවසයි.