රත්නපුර සම්බන්ධීකරණය ජනපති,කැබිනට් තීරණය විසි කරයි

(අජිත්ලාල් ශාන්තඋදය)

සමනලවැව ජලාශයේ ජල කාන්දුවේ ජලය භාවිත කරමින් ජලාශයට පහළින් කුඩා පරිමාන විදුලි බලාගාරයක් ඉදිකිරිමට අවසර නොදීමට රත්නපුර දිස්ත්‍රික් සම්බධීකරණ කමිටු රැස්වීමේ දී තීරණය විය.

රත්නපුර දිස්ත්‍රික් පාර්ලිමේන්තු මන්ත්‍රී අකිළ එල්ලාවල මහතාගේ ප්‍රධානත්වයෙන් රත්නපුර දිස්ත්‍රික් ලේකම් කාර්යාල ශ්‍රවනාගාරයේ දී මෙම රැස්වීම පැවැත්විනි.

ලංකා විදුලිබල මණ්ඩලය නියෝජනය කරමින් පැමිණි නියෝජිතයා මෙහිදි සඳහන් කළේ සමනලවැව ජලාශයට පහළින් දැනටමත් බලාගාර දෙකක් ඉදිකර ඇති අතර තවත් බලාගාරයක් ජලාශයට ආසන්නයෙන් ඉදිකිරිමට අවසර ඉල්ලා ඇති බවයි.

එවැනි බලාගාරයක් ඉදිකිරිම සමනලවැව වේල්ලට හානි විය හැකි බවට එම නියෝජිතයා පෙන්වා දුන්නේ ය.

වසර දහ අටකට පසුව සමනල වැව ජලාශයේ උපරිම ජල මට්ටමට පැමිණ ගිය වසරේ පිරී වාන් දැමු බවද කී එම නියෝජිතයා වාන් දමන ජලය පිටකරන ඇළ මාර්ගයේ මෙම කුඩා පරිමාන ජල විදුලි බලාගාරය ඉදිකිරිමට ජනපතිගේ, අගමැතිගේ සහ කැබිනට් මණ්ඩලයේ පවා අනුමැතිය හිමිව ඇති බවද කීවේ ය.

පාර්ලිමේන්තු ආංශික අධීක්‍ෂණ කමිටුව හමුවේ සමනලවැව ජලාශයේ ජලකාන්දුව කිසිදා වැසිය නොහැකි යැයි සාක්කි දුන් පුද්ගලික ආයතනයේ ඉංජිනේරුවරයා යෝජිත කුඩා පරිමාන විදුලි බලාගාරය ඉදිකිරීමේ කණ්ඩායමේ සාමාජිකයකු බව ද කීවේ ය.

ඔහු එවැනි ස්ථාවරයක් මතු කර ඇත්තේ පුදුගලික විදුලි බලාගාරය ඉදිකිරිමට දේශපාලනඥයින්ගේ අවධානය දිනා ගැනීමට යැයි ද කීවේ ය.

එහෙත් පසුගිය වසරේ සමනලවැව ජලාශය පිරිමෙන් පසු මෙගවොට් 120ක විදුලිය ජනනය කර රුපියල් බිලියන හයක මුදලක් රටට ඉතිරිකර දිමට සමනලවැව ජලාශය නිසා හැකිවු බව ද කීවේ ය.

කිලොවොට් දෙසිය පනහක් තුන්සියයක් නිපදවන බාලාගාරයකට සමනලවැව ජලාශය බිලිදිය යුතු නැතැයි ද කීවේ ය.

අදහස් (8)

රත්නපුර සම්බන්ධීකරණය ජනපති,කැබිනට් තීරණය විසි කරයි

මොට්ටපාල Saturday, 02 March 2024 06:37 AM

පුද්ගලික ලාභ ප්‍රයෝජන නිසා පුද්ගලික බලාගාරයේ ඉංජිනේරු ජල කාන්දුව වහන්න බැහැ කියනවා කියලා හොඳින්ම පේනවා මෙයින් ජනතා දේපළ අයුතු පරිහරණයද වෙන්න බැරි කියලා දෙයක් නැහැ. සමනල වැවේ ජලය සම්පූර්ණයෙන්ම ඉවත්කර ජලය කාන්දුවෙන ස්ථාන වලට ප්‍රතිකර්ම යොදන්න ඕනෑ ටිකකලක් දුෂ්කරතා වෙන්න පුළුවන්. ඒත් නාස්තිය වළක්වන්න පුළුවන්... ඉංජිනේරු උපාධියක් නැති දක්ෂ ගොවියෙකුට වුණත් මෙතැන බරපතල වංචාවක් වෙනවා කියලා තේරෙනවා. මේ නිසා ජලය හිස්කර කාන්දුවීමට ප්‍රතිකර්ම කළා නම් ජල කාන්දුව වහන්න පුළුවන් වේවි..!

: 6 94

නිමල් Saturday, 02 March 2024 08:28 PM

පසුගිය කාලයේ මේ සමනල වැව ජලාශය ගැන හොඳ ලිපියක් පළවුණා. එකෙන් කියවුණේ මෙම ප්‍රදේශයේ භුමියේ ඇති ස්වභාවය නිසා ජල කාන්දුවීම් 100% නවතා දැමිය නොහැකි බවයි. ජලාශය හිස් වූ පසුගිය වසරේ මේ ගැන අදාළ පුද්ගලයින් ක්‍රියාත්මක වුණා. ඒත් ඔවුනුත් පසුව වැඩේ නවත්වා වාර්තාවක් ඉදිරිපත් කළා. මේ ප්‍රතිචාර දාන බොහෝ දෙනා ටයිප්කරන අය විතරයි. දන්න දේකුත් නෑ. බොරුවට අනුන්ව විවේචනය කරනවා. දේශපාලුවන්ට හොර නිලධාරීන්ට වඩා හානියක් මේ අය මහජන ආකල්පය වෙනස් කරලා රටට කරනවා.

: 0 1

Bandara Saturday, 02 March 2024 09:59 AM

විශ්ව විද්‍යාලයක භූවිද්‍යා උපදෙස් ගන්න බැරිද?

: 2 73

Prabha Saturday, 02 March 2024 01:50 PM

නැවැත්තුවොත් හොරුන්ට බඩේ පාර වදිනවා. ඇත්ත කතාව ඒක..

: 4 61

Waruna Abayarathna Saturday, 02 March 2024 11:45 AM

ජල කාන්දුව නවත්වන්න පුළුවන් ලංකාවේ දැනට තියන තාක්ෂණය ප්‍රමාණවත්...!

: 5 59

Shelton Saturday, 02 March 2024 06:55 PM

දැනෙන ලෙස නම්, එම ජල කාන්දුව හිතා මතාම වසා දැමීම නොකරන බවයි. එදා පේරාදෙණිය භූ විද්‍යා මහාචාර්‍යවරුන් සමග කරන ලද පර්යේෂණ වලින් මේ ප්‍රධාන කාන්දුව යම් දුරකට වසා දැමුණු අතර අධික වියදම නිසා නවත්තන ලදී.. පසුගිය දැඩි නියඟය කාලයේදී වුවමනාවක් තිබුනේ... මේ කාන්දුවීම් පහසුවෙන් වසාදැමිය හැකිව තිබිණි. එහෙත් මේ පුද්ගලික බලාගාර හිමියන්ගේ බලපෑම් නිසා එය සිදුනොකරනු ඇත.

: 5 65

ranjith Saturday, 02 March 2024 09:28 PM

පුරාණ රජවරු කරපු වැව් අමුණු ටිකත් පන්දම් කාරයින්ට කුණු කොල්ලයට නොදුන්නොත් තමයි පුදුමේ.

: 0 2

SAM Sunday, 03 March 2024 03:55 AM

සමනලවැව ජලාශයේ ජලකාන්දුව කිසිදා වැසිය නොහැකි බවට විසඳුමක් හෝ නොමැතිව ප්‍රකාශ කරන්නේ නම්, පුද්ගලික ආයතනයක ඉංජිනේරුවරයා එම තනතුරට සුදුසු නැත. නැහැ බැහැ කියනා පුද්ගලයින් තනතුරුවල සිටීමම දියුණුවට බාධාවකි. මහජන මුදලින් අධ්‍යාපනය ලද රජයේ ඉංජිනේරුවරුන් සිටියදී පුද්ගලික ආයතනයක ඉංජිනේරුවරයකු මෙම පරීක්ෂාව සඳහා යෙදවීම පිළිබඳව සොයාබැලිය යුතු කාරණයකි.

: 0 3

ඔබේ අදහස් එවන්න

දියත

කඩු පිහි රැගෙන ඡන්ද මධ්‍යස්ථානය අසලට ආ 2ක් මාට්ටු

2025 මැයි මස 06 100 0

කිලිනොච්චිය සෙල්වනගර් ඡන්ද මධ්‍යස්ථානය අසලට කඩුවක් සහ පිහියක් රැගෙන පැමිණි පුද්ගලයින් දෙදෙනකු අද (06) අත්අඩංගුවටගත් බව කිලිනොච්චිය පොලිසිය කියයි.

ජනපති මුළු ලොවටම බෞද්ධ දර්ශනයේ අගය කියයි

2025 මැයි මස 06 134 0

යුද ගිනි නිවී සාමය පිරුණු ලෝකයක සියලු ජාතීන් සහ මිනිසුන් අතර සාමය, සංවර්ධනය සහ ගෞරවය ඇති කිරීමට බෞද්ධ දර්ශනයේ ආභාසය ලබා ගනිමු යැයි ජනාධිපති අනුර කුමාර

තුසිත හල්ඔළුව හෙට සී.අයි.ඩීයට

2025 මැයි මස 06 486 0

ජනාධිපති අනුර කුමාර දිසානායක මහතා සම්බන්ධයෙන් සමාජ මාධ්‍ය ඔස්සේ සාවද්‍ය ප්‍රකාශයක් සිදුකළ බව කියන තුසිත හල්ඔළුව නැමැත්තාට හෙට (7) පෙරවරු 10.00 ට අපරාධ පරී

ලොකු පැටිගේ නිවසින් බෝම්බයක් හමුවෙයි

2025 මැයි මස 06 548 0

පුද්ගල ඝාතන , ගිනි අවි සන්තකයේ තබා ගැනීම සහ මත්ද්‍රව්‍ය ජාවාරම ඇතුළු අපරාධ රැසකට සම්බන්ධව විදෙස් ගතව සැඟව සිටියදි අත්අඩංගුවට ගත් සංවිධානාත්මක අපරාධක

රනිල් යළි ඉන්දියාවට

2025 මැයි මස 06 600 0

හිටපු ජනාධිපති රනිල් වික්‍රමසිංහ මහතා ඉන්දියාවේ තෙදින සංචාරයක් සඳහා අනිද්දා (8)පිටත්ව යයි.

අග්‍රාමාත්‍යවරිය - යුරෝපා සංගම් අතර සාකච්ඡාවක්

2025 මැයි මස 06 168 0

අග්‍රාමාත්‍ය ආචාර්ය හරිනි අමරසූරිය මෙනෙවිය සහ ඨීඡ+ අධීක්ෂණ මෙහෙයුමේ කොටසක් ලෙස යුරෝපීය බාහිර ක්‍රියාකාරී සේවයේ දකුණු ආසියානු අංශයේ ප්‍රධානී චාල්ස්