(අංජුල මහික වීරරත්න)

මේ වසරේ ඔක්තෝම්බර් මාසය අවසානය වන විට දකුණු කොරියාවේ රැකියා සඳහා පිටත්ව ගිය ශ්‍රී ලාංකිකයින් ප්‍රමාණය 3000 ඉක්මවන බව ශ්‍රී ලංකා විදේශ සේවා නියුක්ති කාර්යාංශය සඳහන් කරයි.

දකුණු කොරියාවේ නිශ්පාදන අංශයේ රැකියා අවස්ථා හිමිවූ ලාංකික තරුණියන් 36 දෙනකු  ශ්‍රී ලංකන් ගුවන් සේවයට අයත් UL 470 දරණ යානයෙන් දකුණු කොරියාව බලා අද(14) පිටත්ව යාමට නියමිතය. 

ඊට තරුණයෝ 33 දෙනෙක්  හා තරුණියෝ තිදෙනෙක් අයත් වෙති.

2025 වසරේ ගතවූ කාලයේ ශ්‍රී ලාංකිකයින් 2927 දෙනකු කොරියා රැකියා සඳහා පිටත්ව ගොස් ඇති අතර, ඊට තරුණියන් 100 දෙනෙකුද අයත් වේ. නිශ්පාදන අංශය සඳහා ලාංකිකයින් 2197 දෙනකුට රැකියා අවස්ථා හිමිවී ඇති අතර, ධීවර අංශය සඳහා 680 දෙනකුට රැකියා අවස්ථා හිමිවී ඇත.

එසේම ඉදිකිරීම් අංශයේ රැකියා සඳහා 25 දෙනකුද, සේවා අංශය සඳහා 23 දෙනකු හා කෘෂිකාර්මික අංශය සඳහා දෙදෙනෙකුට රැකියා අවස්ථා හිමිවී ඇත.

මේ අතර, දකුණු කොරියාවේ රැකියා අවස්ථා හිමිවූ තවත් ශ්‍රි ලාංකිකයින් 200ට ආසන්න පිරිසක් මෙම මාසය අවසන් වන විට පිටත් කිරීමට කාර්යාංශය සැලසුම් කර තිබේ.

2025 කොරියා භාෂා ප්‍රවීණතා විභාගය සඳහා අයදුම්කරුවන් 36,745 දෙනකු ලියාපදිංචි වී ඇති අතර, එම විභාගය ඔක්තෝම්බර් 23 දින ආරම්භ කිරීමට නියමිතව ඇත.