(ෂේන් සෙනෙවිරත්න)

මධ්‍යම පළාත් ආණ්ඩුකාර මහාචාර්ය සරත් අභයකෝන් මහතා සිය ධූරයෙන් ඉල්ලා අස්වීම සඳහා ජනාධිපතිවරයාට ලිපියක් යොමු කළ බව වාර්තාවේ.

පේරාදෙණිය විශ්වවිද්‍යාලයේ හිටපු උපකුලපතිවරයකු ද වන මහාචාර්ය අභයකෝන් මහතා වත්මන් මළිමා රජය පත්වීමෙන් පසු මධ්‍යම පළාත් ආණ්ඩුකාරවරයා වශයෙන් පත් කළේය.

මේ සම්බන්ධයෙන් හිටපු ආණ්ඩුකාරවරයාගෙන් කළ විමසීමකදී ඒ මහතා පවසා සිටියේ පෞද්ගලික හේතූන් මත මීට දින කිහිපයකට ධූරයෙන් ඉල්ලා අස්වීමේ ලිපිය ජනාධිපතිවරයාට යොමු කළ බවයි.

ඉල්ලා අස්වීමේ ලිපිය පිළිගැනීම හෝ නොගැනීම සම්බන්ධයෙන් මෙතෙක් ජනාධිපතිවරයාගෙන් ප්‍රතිචාරයක් ලැබී නොමැති බවද අභයකෝන් මහතා වැඩිදුරටත් පැවසීය.