(දෙනගම  යසන්ත ආරියසේන)                             

හක්මන ප්‍රදේශයේ පාසලක පළමු වසරේ සිසුවකුට එම පාසලේ දහය වසරේ සිසුවකු පහරදී කුරුඳු ඉඩමකට දමා ගොස් සිටියදි සොයාගත්  බව හක්මන  පොලිසිය පවසයි.

බරපතළ තුවාල ලබා සිටි පළමු වසරේ සිසුවා කඹුරුපිටිය සහ මාතර රෝහල්වලට ඇතුළත් කිරීමෙන් අනතුරුව කරාපිටිය ශික්ෂණ රෝහල වෙත මාරු කර යවා ඇත.

පහරදීම සිදුකළ බව කියන දහය වසරේ සිසුවා අත්අඩංගුවට ගත් බව පොලිසිය පවසයි .

තුවාල ලබා ඇති පළමු ශ්‍රේණියේ සිසුවා පාසල් යාමට සූදානම් කර පියා උදේම රැගෙන විත් පාසල ඉදිරිපිට ඇති පන්සලේ නතර කර යන බවත් පාසල පටන් ගන්නා වේලාවට පෙර සැකකාර සිසුවා සමඟ පන්සලේ සිට පාසලට දිනපතා යන බවත් පොලිසිය කළ පරික්ෂණවලින් හෙළිවී ඇත

සැකකාර සිසුවා පන්සලේ නැවතී සිටින අයකු බවත් පළමු ශ්‍රේණියේ සිසුවා  පන්සලට රැගෙන විත් නතර කර ඇති අවස්ථාවේ මෙලෙස පහරදී දීම  කර ඇති බවත් පවසන ෙපාලිසිය පහරදීමෙන් අනතුරුව තුවාල ලබා සිටි සිසුවා විහාරස්ථානය පිටුපස ඇති කුරුඳු ඉඩමට දමා ගොස් සිටි බව  විමර්ශනවලදී අනාවරණය වූ බව පවසයි.

පළමු වසරේ සිසුවකු අතුරුදන් වී ඇති බවට පොලීසියට ලද තොරතුරකට අනුව පොලිස් නිලධාරීන් පාසල අවට  කළ පරීක්ෂා කිරීමේදී පාසල ඉදිරිපිට ඇති පන්සල පිටුපස තිබෙන කුරුඳු ඉඩමේ බරපතළ තුවාල ලබා වැටී සිටියදී සිසුවා පොලිසියට හමුවී ඇත.