(නිමල කොඩිතුවක්කු)

රිෂාද් බදියුදීන්  මහතා සම්බන්ධයෙන් විමල් වීරවංශ මහතා ඔප්පු  කරන බවට කියූ  කිසිදු සාක්කියක් මේ වනවිට  වගකිව යුතු කිසිදු  නීතිමය ආයතනයකට  හෝ ලබා දී නැතැයි පාර්ලිමේන්තු මන්ත‍්‍රී චමින්ද විජේසිරි පැවැසීය.

විමල් වීරවංශ මහතා ඇතුළු පිරිස මාධ්‍ය තුළ බොහෝ දේවල් ප‍්‍රකාශ කළත් ඔවුන්ට ඒ කිසිවක් සනාථ කිරීමට  නොහැකි වී ඇතැයි ද මන්ත‍්‍රීවරයා සඳහන් කළේය.

කොළඹ අරලියගහ මන්දිරයේ   අද(8) පැවැති මාධ්‍ය හමුවකට එක්වෙමින් ඔහු මේ බව පැවැසීය.

එහිදි වැඩිදුරටත් අදහස් දැක්වූ පාර්ලිමේන්තු මන්ත‍්‍රී චමින්ද විජේසිරි මෙසේද කීය.

‘‘ රිෂාද් බදියුදීන් මහතා සම්බන්ධයෙන් විමල් වීරවංශ මහතා ඔප්පු කරනවා කියපු එතුමන් ළඟ තියෙනවා කියපු  කිසිදු සාක්ෂියක් මේ වනවිට   වගකිව යුතු කිසිදු  නීතිමය ආයතනයකට  ලබා දීලා නැහැ. පාස්කු  ඉරිදා ප‍්‍රහාරය  සම්බන්ධයෙන් චෝදනා එල්ල වී ඇති රිෂාද් බදියුදීන් මහතා සම්බන්ධයෙන්  වන චෝදනා ඔප්පු කිරීමේ  විශාල කාර්යභාරයක් විමල් වීරවංශ මහතා සතුව තියෙනවා.

විමල් වීරවංශ මහත්තයා මාධ්‍ය තුළ බොහෝ දේවල් ප‍්‍රකාශ කළාට ඔවුන්ට කිසිවක් සනාථ කිරිමට, ඔප්පු කිරීමට නොහැකි වී තිබෙනවා.  සදාචාරාත්මකව ඔවුන්ට විශේෂයෙන්ම  අයිතියක් තියෙනවා මේ ගැන ඔප්පු කරනවා’’ යැයිද මන්ත‍්‍රීවරයා සඳහන් කළේය.

(ඡායාරූප - ඉෂාන් සංජීව)