(අංජුල මහික වීරරත්න)

සමෘද්ධිමත් ශ්‍රී ලංකාවක් වෙනුවෙන් ඉන්දියාව ඇතුළු ජාත්‍යන්තර ප්‍රජාව සමඟ සහයෝගයෙන් කටයුතු කිරීමට රජය සුදානම් බවද අග්‍රාමාත්‍ය ආචාර්ය හරිනි අමරසූරිය මෙනවිය  පැවසුවාය.

නවදිල්ලි නුවර පැවති 2025 NDTV ලෝක සමුළුව අමතමින් අග්‍රාමාත්‍යවරිය මේ බව කීවාය. 

“අවිනිශ්චිතභාවයන් මැද ලෝකයේ සිදුවන පරිවර්තනයන් මෙහෙයවීම” යන තේමාව යටතේ අග්‍රාමාත්‍යවරිය ප්‍රධාන දෙසුම කළාය.

ශ්‍රී ලංකාවේ ආර්ථික පරිවර්තනය  ජාත්‍යන්තර මූල්‍ය අරමුදල  සහ ලෝක බැංකුව පිළිගෙන තිබෙන බව අග්‍රාමාත්‍යවරිය මෙහිදී කීවාය.

ශ්‍රී ලංකාව මෑතකදී  මුහුණ දුන් අර්බුද වලින් යථා තත්ත්වයට පත්වීමට   අභියෝගාත්මක ගමනක්  එන්න සිද්ධ වුණා. එහිදී  විනිවිද භාවයෙන් යුතු,  වගවීමක් සහ පුළුල් පාලනයක් සඳහා සාමාන්‍ය පුරවැසියන්ගේ ඉල්ලීම් අනුව වත්මන් ආණ්ඩුව පාලනය භාර ගැනීම ශ්‍රී ලංකාවේ  හැරවුම් ලක්ෂ්‍යයක් නිර්මාණය කළා. 

ජනාධිපති අනුර කුමාර දිසානායක මහතාගේ පාලනය යටතේ නව රජයේ ආර්ථික ප්‍රතිසංස්කරණ න්‍යාය පත්‍රය අනුව ණය ප්‍රතිව්‍යුහගත කිරීම,  මූල්‍ය කළමනාකරණය සහ ඩිජිටල් පරිවර්තනය වෙනුවෙන් කටයුතු කරමින් යනවා යනුවෙන්ද අග්‍රාමාත්‍යවරිය කීවාය.