(යොහාන් භාසුර)

දුම්රිය පීලි පැනීම හේතුවෙන් උඩරට මාර්ගයේ  හෙට (21) පෙරවරුවේ දුම්රිය ගමන් වාර 4 ක අවලංගු කළ බව දුම්රිය දෙපාර්තමේන්තුවේ උසස් නිලධාරියෙක් පැවසීය.

අයහපත් කාලගුණයෙන් නැතිවූ ආපදාවන් හේතුවෙන් අද (20) දුම්රිය ගමන් වාර 18 ක් අවලංගු වූ අතර හෙට පෙරවරුවේ මහනුවර හා මාතලේ සිට කොළඹ කොටුව හා මාතර  බලා ධාවනය වන දුම්රිය 4 ක් අවලංගු කළ බවත් එම නිලධාරියා කීය.

ඒ අනුව මහනුවර සිට කොළඹ කොටුව දක්වා පෙරවරු 4.30 ට, මාතලේ සිට කොළඹ කොටුව දක්වා පෙරවරුව 4.50 ට,  ආරම්භ වන, මහනුවර සිට මාතර දක්වා පෙරවරුව 5.00ට සහ මහනුවර සිට කොළඹ කොටුව දක්වා පෙරවරුව 6.15 ට ආරම්භ වන දුම්රිය මේ වන විටත් අවලංගු කර ඇති බව ද එම නිලධාරියා  සඳහන් කළේය.

පවතින අයහපත් කාලගුණික තත්වය මත පස්කඳු දුම්රිය මාර්ගයට කඩා වැටීම නිසා සහ ඉහළ කෝට්ටේ දුම්රිය ස්ථානය ආසන්නයේ දුම්රියක් පිලී පැනීම නිසා උඩරට මාර්ගයේ ගමනාගමන කටයුතු වලට බාධා මතුව ඇති බවත් බලන හා ඉහළ  කෝට්ටේ අතර පස් කඳු කඩා වැටීම හා දුම්රිය මාර්ගයට ආසන්නව ස්ථාන දෙකක මාර්ගය නාය ගොස් ඇති බවත් එම නිලධාරියා කීය.