(බිමල් ශ්‍යාමන් ජයසිංහ)

මිනීමැරුම් ඇතුළු අපරාධ රැසකට සම්බන්ධ බව කියන " ඉළිබේ රංජි ගේ පුතා නොහොත් නීලක "නැමැත්තා හොරණ කඳන ප්‍රදේශයේ පදිංචි සිය නැන්දාගේ නිවසට ඉදිරිපිටට පැමිණ ටී 56 ගිනි අවියකින් අහසට වෙඩි තබා නැන්දා බාරයේ සිටි වයස අවුරුදු 7ක ඔහුගේ දරුවා පැහැරගෙන ගොස් ඇතැයි හොරණ පොලිසිය කියයි.

ත්‍රිරෝද රථයකින් අද (17) පෙරවරු 7.40.ට පමණි  නිලක නැමැත්තා දරුවා රඳවා සිටි නැන්දාගේ නිවස ඉදිරිපිටට ගොස් රැගෙන ආ ටී ටී-56 ගිනි අවියකින් අහසට වෙඩි දෙකක් තබා තර්ජනය කරමින් නිවස තුළට ගොස් නිවසටගොස්  එහි සිටි දරුවා පැහැරගෙන ගොස් ඇත.  

මීට සතියකට පමණ ඉහත දී සිය බිරිඳගේ අත්පා වෙන් වන ලෙස තියුණු ආයුධවලින් කපා හිසට ද බරපතල තුවාල සිදුකිරීමේ සිද්ධියක් සම්බන්ධයෙන් අත්අඩංගුවට ගැනීමට සොයමින් සිටි අයකු බව පොලිසිය කියයි .

ඊට අමතරව ඔහුගේ අනියම් බිරිඳ සමඟ සබඳතාවක් පැවැත්වූ බව කියන තීරෝද රථ රියදුරකු ද බුලත්සිංහල හල්වතුර ප්‍රදේශයේදී තියුණු ආයුධවලින් කපා බරපතළ තුවාල සිදු කිරීමේ සිද්ධිය සම්බන්ධයෙන් ද ,බුලත්සිංහල පොලිසිය මගින් අත්අඩංගුවට ගැනීමට සොයමින් සිටි පුද්ගලයෙක් බවද පොලිසිය කියයි.

අත්අඩංගුවට ගැනීමට සොයන නිලක නැමැත්තා ඔහුගේ බිරිඳව මීට සතියකට පමණ ඉහතදී කපා බරපතළ තුවාල කිරීමේ සිද්ධිය සම්බන්ධයෙන් පොලිසිය මගින් අධිකරණයට කරුණු වාර්තා කිරීමෙන් අනතුරුව ඔවුන්ගේ එකම දරුවා අධිකරණය මගින් ඔහුගේ මව  බාරයට තාවකාලිකව පත් කර ඇති අතර  හෙට (18) දින පරිවාසයට යොමු කිරීම සඳහා අධිකරණයට ඉදිරිපත් කිරීම ට නියමිතව ඇතැයි පොලිසිය කියයි .