(එෆ්.අස්ලම්)
දෙමළ ජාතික සන්ධානයේ සැබෑ නායකයා ආර්.සම්බන්ධන් නොව රනිල් වික්රමසිංහ බවත්, සන්ධානය වැඩකරන්නේ අගමැතිවරයාගේ පදයට බවත් උතුරු නැගෙනහිර පළාත් අමාත්ය, දෙමළ සමාජ ප්රජාතන්ත්රවාදී පක්ෂයේ නායක වරදරාජා පෙරුමාල් මහතා සඳහන් කළේය.
දශක කිහිපයක් පුරා විසඳුම් නොලැබුණු උතුරේ ජාතික ගැටලුවට රනිල් වික්රමසිංහ නැවතත් බලයට පත්වී වසරක් තුළ විසඳුම් ගෙන එන බව කීම දෙමළ ජනතාව රැවටීමේ උප්පරවැට්ටියක් බවද හෙතෙම සඳහන් කළේය.
තමන් බලයට පත්වී වසරක් තුළ ජාතික ප්රශ්නයට ව්යවස්ථාමය විසඳුමක් ගෙන එන බවට අගමැතිවරයා දෙමළ ජාතික සන්ධානයට ලබාදුන් පොරොන්දුව පිළිබඳ මාධ්ය වෙත අදහස් පළකරමින් හෙතෙම මේ බව කියා සිටියේය.
එහිදී වැඩිදුරටත් අදහස් දැක්වූ පෙරුමාල් මහතා මෙසේද කියා සිටියේය.
“දෙමළ ජාතික සන්ධානය එක්සත් ජාතික පක්ෂයේ ගැලවුම්කරුවෙකු විදිහටයි කටයුතු කරන්නේ. ඒ පක්ෂයේ නායකයා ආර්.සම්බන්ධන් වුණාට තිරය පිටුපස සිට අනුබල අනුශාසනා දෙන්නේ අගමැති රනිල් වික්රමසිංහයි. දෙමළ ජනතාව රවටමින් එක්සත් ජාතික පක්ෂයට හැකි සෑම ආකාරයකින්ම ඒ ජනතාවගේ සහාය අරගෙන දීමයි දෙමළ ජාතික සන්ධානයේ වගකීම වෙන්නේ.
ආණ්ඩුවට එරෙහිව විශ්වාසභංගය ගෙන ආ සෑම අවස්ථාවකම දෙමළ ජාතික සන්ධානය කළේ දෙමළ ජනතාවගේ ප්රශ්න, ජාතික ප්රශ්නය, දෙමළ දේශපාලන සිරකරුවන් නිදහස් කිරීම, උතුරේ ඉඩම් නිදහස් කිරීම කියලා අගමැතිවරයාගෙන් පොරොන්දු අරගෙන දෙමළ ජනතාව රැවටීමයි. මේක දේශපාලන ගනුදෙනුවක් කීවොත් මා නිවැරදියි. ඊළඟ දීපාවලිය ලබන්නේ දෙමළ ජනතාවගේ අර්බුදයට ස්ථිර දේශපාලන විසඳුමක් සහිතවයි කියල සම්බන්ධන් දීපාවලියක් දීපාවලියක් ගානේ කීවා. ඒත් මොන දෙයක්වත් දෙමළ ජනතාවට ලැබුණේ නැහැ.
දෙමළ ජනතාවට අද වුවමනා කරල තියෙන්නේ දේශපාලන විසඳුමක් නෙවෙයි. එදා වේල කන්න පුළුවන් විදිහට සතුටින් ජීවත් වෙන්න පුළුවන් විදිහේ ආර්ථිකයක් සහ පරිසරයක් ගොඩනගාගන්නයි. මහින්ද රාජපක්ෂ බලයේ සිටි කාලයේ යෝධ සංවර්ධනයක් වගේම මිනිස්සුන්ට එදාවේල කන්න පුළුවන් තත්වයක් හරි තිබුණා. ඒත් මේ ආණ්ඩුව බලයට පත්වුණාට පස්සේ ඒ සියල්ල වෙනස් වුණා. මේ ආණ්ඩුවෙන් කරගන්න පුළුවන් දේවල්වත් කරගන්න බැරි වුණේ දෙමළ ජාතික සන්ධානය නිසයි.
මේ ගැන දෙමළ ජනතාව හොඳින් තේරුම් අරගෙනයි ඉන්නේ. ඒ බව ජනතාව ඔප්පු කර පෙන්නාවි. සිව් වසරක් බලයේ සිටියදී ගෙන එන්න බැරිවුණ දේශපාලන විසඳුම රනිල් වික්රමසිංහ යළිත් බලයට පත්වී වසරක් තුළ ගෙන එන්න පුළුවන් කියන කතාව සුරංගනා කතාවක්” යැයිද වරදරාජා පෙරුමාල් මහතා කියා සිටියේය.
නිවාඩු නොමැතිව සේවයට වාර්තා නොකර සිටි යුද හමුදා සාමාජිකයන් 7156 ක් පොදු සමා කාලයේ පළමු සතිය තුළදී සේවයෙන් ඉවත් කර ඇතැයි යුද හමුදා මාධ්ය ප්රකාශක මේජර් ජ
අලුත විවාහ වන පෙම්වතුන් විවිධ හේතු මත වසර දෙක තුනකින් දික්කසාදවීම ( වෙන්වීම) වැඩිවන ප්රවණතාවක් දක්නට ලැබෙන බව ජ්යෙෂ්ඨ නියෝජ්ය රෙජිස්ට්රාර් ජනර
ඇල්ල කරඳගොල්ල 10 කනුව මලිත්තගොල්ල ප්රදේශයේ නාය යාම වඩ වඩාත් සක්රීය වෙමින් විශාල බොරදිය ජලපහරක් ගලායමින් පවතින බව බදුල්ල දිස්ත්රික් ලේකම් ප්රභාත්
ජනාධිපති කාර්යාලයේ තනතුරු දරන බවට සඳහන් කරමින් ව්යාජ ලිපි ලේඛන ඉදිරිපත් කර ආයෝජකයින්, රැකියා අපේක්ෂිත තරුණ පිරිස් සහ විවිධ රටවලට වීසා බලපත්ර ලබාගැ
මිනුවන්ගොඩ අධිකරණයෙන් විදෙස් ගත වීම තහනම් කළ ව්යාපාරිකයකු, කූඨ ලෙස සකස් කර තායිලන්තය වෙත පළා යාමට කටුනායක පැමිණ සිටියදී ආගමන විගමන දෙපාර්තමේන්තුවේ
ආර්ථික ගැටලු හේතුවෙන් පාර්ලිමේන්තු මන්ත්රීවරුන් හතළිහකට ආසන්න පිරිසක් සිය සුඛෝපභෝගි ලොකු වාහන වෙනුවට ඉතා අඩු මිල ගණන් සහිත කුඩා වාහනවලට යොමුවී සි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ටීඑන්ඒ පක්ෂය වැඩ කරන්නේ අගමැතිගේ පදයට බව වරදරාජා කියයි